¿Tionmochikaujtok tikonselis nochi tamachtilis tein kitemaka Jiova?

1. ¿Toni kiita Jiova ke motelneki maj kipiakan itekitikauan?

¹ Jiova, toUeyi Tamachtijkauj, kiita ke motelneki maj itekitikauan kuali tamachtilmej (Isa. 30:20). Keman kichijchiuak yekinika iKonetsin, peuak tekiti kemej Tamachtijkej (Juan 8:28). Uan satepan ke Adán taixnamikik, ika ueyi netasojtalis, Jiova kisentokak kinmachtij taltikpakneminij tajtakouanij (Isa. 48:17, 18; 2 Tim. 3:14, 15).

2. ¿Keniuj motamachtijtok itech totonaluan?

² Itech nejin tonalmej Jiova kiixyekantok okachi ueyi tamachtilis tein motemakatok kemej amo keman ijkon mochiujtoya. Kemej kijtojka Isaías, tel miakej taltikpakneminij itech nochi taltikpak yajtokej kampa moixneskayotia kemej “tepet kampa yetok ichan Jiova” (Isa. 2:2). ¿Keyej ompa youij? Porin kinekij maj kinmachtikan iojuan Dios, kemaj, ¡kinekij maj Jiova kinmachti! (Isa. 2:3.) Itech xiujtekit 2010, itaixpantijkauan Jiova kitetapouijkej iTajtol Dios uan kinmachtijkej taltikpakneminij tel miak horas; sennochiya ajsik 1,600 millones. Uan no, itech sejse semana motamachtia ika iTajtol Dios itech panoua 105,000 nechikolmej tein moajsij noyampa taltikpak, uan takeual takuaujtamach uan tamatkej kichijchiua amaixmej itech panoua 500 tataman tajtolmej.

3. ¿Keniuj mitsonpaleuijtok tamachtilis tein kitemaka Jiova?

³ Senkis kuali titamachtilmej. ¡Semi techpaleuijtok tamachtilis tein kitemaka Dios! Techpaleuia maj tikmatikan ke Dios kipia itokay uan toka motekipachoua (Sal. 83:18; 1 Ped. 5:6, 7). No tikmatkejya itanankililuan seki netajtanilmej tein motelnekij, kemej: ¿Keyej titajyouiaj uan timomikiliaj? ¿Keniuj uelis tikpiaskej yekmelauj yolpakilis? ¿Keyej tiualajkej nikan taltikpak? Uan amo sayoj nejon, ta Jiova no techmachtia keniuj tichipaujkanemiskej uan ijkon kuali kisas tein tikchiuaskej (Jos. 1:8).

4. ¿Katiyejua seki tamachtilis uelis tikseliskej, uan keyej moneki timochikauaskej tikseliskej nochi tamachtilis tein kitemaka Jiova?

⁴ Jiova no kitemakatok uejueyi tamachtilismej tein ika kinpaleuia miakej itekitikauan maj okachi uelikan kichiuakan itekiyo. Itech página 4, 5, uan 6 moijtoua seki tamachtilis tein tejuatsin xa uelis tikonselis. Uan komo tein tikonpanotok axkan mitsontsakuilia maj amo ueli xikonseli semej tamachtilismej tein nikan moijtoua, ¿tionmochikaujtok tikonselis itamachtilis Jiova tein kemaj uelis tikonpias? Imin tamachtijkauan uan oksekin kinyolmajxitiaj telpochmej uan ichpochmej maj kiselikan ueyi tamachtilis tein motemaka nikan taltikpak. ¿Tikinyolchikauaj maj kiixtalikan okachi kitekitiliskej Dios uan maj kiselikan okachi ueyi tamachtilis tein kitemaka Jiova? Komo timochikauaj tikseliskej nochi tamachtilis tein kitemaka Jiova, techpaleuis maj tikpiakan yolpakilis itech totonaluan uan keman Dios tayektalis nikan taltikpak (Sal. 119:105; Juan 17:3).

Seki tamachtilis tein motemaka itech inechikol Jiova

Tamachtilis imiuan akin amo taixmatij

• Keyej: Kinmachtia maj taixtajtoltikan uan maj tajkuilokan uan ijkon uelis kiixtajtoltiskej Biblia uan kinmachtiskej oksekin tein kijtoua Dios.

• Uejkaua: Tonalmej tein monekis.

• Kani: Kali kampa Timosentiliaj.

• Akonimej uelis yaskej: Nochin tanojnotsanij uan tein momachtijtokej Biblia.

• Keniuj moijkuiloskej: Tayekananij itech nechikol, akin kiixtaliaj maj motemaka nejon nemachtil keman monekis, kinyoleuaj maj yetokan nochin akin kinekiskej.

Escuela tein Techmachtia iTekiyo Dios

• Keyej: Kinnextilia tanojnotsanij maj kuali tanojnotsakan uan maj tamachtikan ika kuali tanauatilmej.

• Uejkaua: Kisentoka motemaka.

• Kani: Kali kampa Timosentiliaj.

• Akonimej uelis panoskej: Nochin tanojnotsanij. Uan no, oksekin akin nochipa touan monechikouaj, kiseliaj tein tamachtia Biblia uan nemij kemej kijtoua itanauatil Dios.

• Keniuj moijkuiloskej: Xiontajto iuan akin kiixyekana Escuela tein Techmachtia iTekiyo Dios.

Tamachtilis ika okse tajtol

• Keyej: Kinmachtia tanojnotsanij maj kitetapouikan kuali tanauatilmej itech okse tajtol.

• Uejkaua: Naui oso makuil metsti. Motemaka se oso ome hora uan miakkan motemaka sábado kualkan.

• Kani: Miakkan motemaka itech Kali kampa Timosentiliaj tein amo uejka moajsis.

• Akonimej uelis yaskej: Tanojnotsanij tein kuali tekititokej uan kinekij tanojnotsaskej itech okse tajtol.

• Keniuj moijkuiloskej: Itech sucursal kiixtaliaj maj motemaka nejon tamachtilis keman monekis.

Tachijchiualis ika Kalmej kampa Timosentiliaj

• Keyej: Tapaleuia maj mochijchiua uan maj moyektali Kalmej kampa Timosentiliaj. Maski nejin amo se tamachtilis, tekitinij kinmachtiaj maj uelikan seki tekit uan ijkon uelis tapaleuiskej itech kalchiualis.

• Uejkaua: Tekitikej kiixtalis kanachi tonalmej uelis.

• Kani: Itech semej xolalmej kampa kinixtalijtokej Tokniuan tein Kiixyekanaj Kalchiualis itech seki Xolalmej. Uan no, sekin tekitinij kinyoleuaj maj yakan okachi uejka kampa mochiuak se tetsauit maj tapaleuitij itech tekit tein ompa moneki mochiuas.

• Akonimej uelis yaskej: Takamej uan siuamej akin moauijkejya uan tayekananij kiitaj ke kuali tekititokej. Uelis yaskej maski amo uelij tekit tein ompa mochiua.

• Keniuj moijkuiloskej: Xikontajtani tayekananij kampa tionmosentilia Cuestionario para trabajadores voluntarios en Salones del Reino (S-82-S) uan xikonijkuilo tein ompa motajtani.

Tamachtilis tein kiselia akin Tekiti kemej Precursor

• Keyej: Kimachtia akin tekiti kemej precursor maj ajsitok kichiua ‘tekit ijkon kemej Totajtsin Dios kitekimaktij’ (2 Tim. 4:5).

• Uejkaua: Ome semana.

• Kani: Itech sucursal moixtalia, uan miakkan mochiua itech Kali kampa Timosentiliaj tein amo uejka moajsis.

• Akonimej uelis yaskej: Akin kiuika se xiuit tekititok kemej precursor regular.

• Keniuj moijkuiloskej: Tokniuj takalpanojkej kinixpejpena uan kinyoleua akin yaskej.

Tamachtilis tein kiseliaj akin Yekin Ajsij Betel

• Keyej: Nejin tamachtilis kinpaleuia akin yekin ajsij Betel maj kinyolpakti tekit tein ompa kichiuaskej.

• Uejkaua: 16 semanas, se hora itech sejse semana.

• Kani: Betel.

• Akonimej uelis yaskej: Akin poujtokya imiuan kalyetouanij Betel oso akin ompa uejkauas tapaleuijtos (se xiuit oso okachi).

• Keniuj moijkuiloskej: Itech sucursal kinijkuilouaj akin yaskej.

Tamachtilis imiuan Tayekananij uan Tapaleuianij

• Keyej: Kinmachtia tayekananij uan tapaleuianij maj kuali taixyekanakan uan maj kichiuakan tekit tein kipiaj itech inechikol Dios (Hech. 20:28). Nejin tamachtilis motemaka sayoj itech seki xiujmej ijkon kemej kiixtaliaj Oloch Taojtokaltianij.

• Uejkaua: Yankuixtok mochiuani ijkon: se tonal uan tajko momachtiaj tayekananij, uan se tonal tapaleuianij.

• Kani: Miakkan mochiua itech Kali kampa Timosentiliaj oso kampa mochiua Uejueyi Nechikolmej.

• Akonimej uelis yaskej: Tayekananij oso tapaleuianij.

• Keniuj moijkuiloskej: Tokniuj takalpanojkej kinyoleua akin yaskej.

Tamachtilis tein kiseliaj Tayekananij itech Nechikola

• Keyej: Kinpaleuia tayekananij maj okachi kuali kichiuakan tekimej itech nechikol.

• Uejkaua: Makuil tonal.

• Kani: Itech sucursal moixtalia, uan miakkan mochiua itech se Kali kampa Timosentiliaj oso kampa mochiua Uejueyi Nechikolmej tein amo uejka moajsis.

• Akonimej uelis yaskej: Tayekananij.

• Keniuj moijkuiloskej: Itech sucursal kinyoleuaj akin yaskej.

Tamachtilis tein kiseliaj Tokniuan Takalpanouanij uan imin Namikb

• Keyej: Kinpaleuia akin takalpanouaj itech circuito uan distrito maj okachi kuali tapaleuikan itech nechikolmej, maj ika miak chikaualis ‘tanojnotstinemikan uan tamachtijtinemikan’ uan maj kuali kinyekpiakan akin kinixyekanaj (1 Tim. 5:17; 1 Ped. 5:2, 3).

• Uejkaua: Ome metsti.

• Kani: Itech sucursal moixtalia.

• Akonimej uelis yaskej: Takalpanouanij itech circuito oso distrito.

• Keniuj moijkuiloskej: Itech sucursal kinyoleuaj akin kinixtaliaj maj yakan imiuan imin namik.

Tamachtilis ika Biblia tein kiseliaj Takamej akin imin Seltic

• Keyej: Kinmachtia tayekananij uan tapaleuianij akin imin selti maj uelikan kichiuakan okseki tekimej. Miakej, keman tami imin tamachtilis, kintitanij maj yakan kampa okachi monektokej tanojnotsanij itech ueyi altepet kampa kayomej. Sayoj sekin uelis kinyoleuaskej maj tapaleuitij itech okse ueyi altepet komo tanauatiaj ke uelis yaskej.

• Uejkaua: Ome metsti.

• Kani: Itech sucursal moixtalia. Miakkan mochiua itech se Kali kampa Timosentiliaj oso kampa mochiua Uejueyi Nechikolmej.

• Akonimej uelis yaskej: Takamej akin imin selti uan kipiaj 23 hasta 62 xiujmej, amo kintsakuilia se kokolis uan kipiaj pakilis kinpaleuiskej tokniuan uan kitayekanaltiskej tanojnotsalis kampa okachi moneki (Mar. 10:29, 30). Moneki tekititoskej ajsitok oso panoua ome xiuit kemej tayekananij oso tapaleuianij.

• Keniuj moijkuiloskej: Itech seki xolalmej keman mochiua ueyi nechikol tein uejkaua ome tonal, kinsentiliaj akin kinekiskej yaskej uan ijkuak moijtoua okseki taman.

Tamachtilis ika Biblia tein kiseliaj Tokniuan Namikuanijd

• Keyej: Kinmaka namikuanij se kuali tamachtilis tein senkis kinpaleuis maj okachi kuali kitekitilikan Jiova uan inechikol. Miakej, keman tami imin tamachtilis kintitanij kampa okachi monektokej tanojnotsanij itech imin ueyi altepeuj. Sekin uelis kintitaniskej itech okse ueyi altepet komo yejuan uelij.

• Uejkaua: Ome metsti.

• Kani: Yekinika tamachtilismej mopeualtijkej itech Kalmej kampa Watchtower kitemaka Tamachtilis itech altepet Patterson (Nueva York). Satepan, okseki tamachtilismej motemakas kampa moixtalis itech sucursal, tein miakkan motemakas itech Kalmej kampa Timosentiliaj oso kampa mochiua Uejueyi Nechikolmej.

• Akonimej uelis yaskej: Namikuanij tein kipiaj 25 hasta 50 xiujmej, amo kintsakuilia se kokolis, tein kiuikajya ome xiuit itech tekit tein ika motayekanaltia itekiyo Dios uan kipiaj tanemilil kemej Isaías akin kijtoj: “¡Nikan niyetok! Nejua xinechtitani” (Isa. 6:8). Uan no, moneki maj kipiakan ome xiuit kemej namikuanij uan maj uelikan tekitiskej kampa okachi monektokej tanojnotsanij.

• Keniuj moijkuiloskej: Itech seki xolalmej, keman mochiua ueyi nechikol tein uejkaua se tonal, kinsentiliaj akin kinekij kiseliskej nejon tamachtilis uan ompa kiniluiaj okseki taman tein moneki.

Galaad—Nemachtil ika Biblia tein kiixyekana Watchtower

• Keyej: Kinmachtia precursores uan oksekin tein kichiujtokej tekit tein ika motayekanaltia itekiyo Dios maj tapaleuikan kemej misioneros.

• Uejkaua: Makuil metsti.

• Kani: Itech Kalmej kampa Watchtower kitemaka Tamachtilis itech altepet Patterson (Nueva York).

• Akonimej uelis yaskej: Sayoj kinseliaj namikuanij tein eyi xiuitya moauijkej uan kipiaj 21 hasta 38 xiujmej keman kititanij yekinika amat tein ika uelis kinyoleuaskej. Moneki kiuikaskej ome xiuit kemej namikuanij uan ome xiuit itech tekit tein ika motayekanaltia itekiyo Dios, maj amo kintsakuili se kokolis uan maj uelikan tajtol inglés. Precursores tein tekititokej itech se ueyi altepet kampa amo kayomej (no akin tekititokej kemej eskiaj misioneros), takalpanouanij, tein tekitij Betel, akin kipiakej Tamachtilis ika Biblia tein kiseliaj Takamej akin imin Selti oso Tamachtilis tein kinpaleuia Tokniuan Takamej itech iTekiyo Dios uan Tamachtilis ika Biblia tein kiseliaj Tokniuan Namikuanij, uelis moijkuiloskej komo kipiaj nochi nejin tein motajtani.

• Keniuj moijkuiloskej: Itech seki xolalmej, keman mochiua ueyi nechikol tein uejkaua eyi tonal, kinsentiliaj akin kinekij kiseliskej nejon tamachtilis uan ompa kiniluiaj okseki taman tein moneki. Komo amo mochiua nejin nechikol kampa tionkayot uan tikonuelitaskia tikonselis nejin tamachtilis, uelis tiontajkuilos itech sucursal tein taixyekana itech moaltepeuj uan mitsonmatiltiskej okseki taman.

Tamachtilis tein kiseliaj Taixyekananij itech Sucursal uan imin Namik

• Keyej: Kinpaleuia akin tekitij kemej Taixyekananij itech Sucursal maj okachi kuali kiixyekanakan tekit itech kalmej Betel, maj okachi kinpaleuikan nechikolmej, maj kuali kinyekanakan takalpanouanij uan no maj mokepa amaixmej itech okseki tajtolmej, maj mokixti itech amat uan maj motitani. No maj kuali kiixyekanakan miak tekimej itech nejon kali (Luc. 12:48b).

• Uejkaua: Ome metsti.

• Kani: Itech Kalmej kampa Watchtower kitemaka Tamachtilis itech altepet Patterson (Nueva York).

• Akonimej uelis yaskej: Taixyekananij itech Sucursal oso Taixyekananij itech Ueyi Altepet oso akin kinmakakej nejon tekit.

• Keniuj moijkuiloskej: Oloch Taojtokaltianij kinyoleuaj tokniuan uan imin namik akin kinixtaliaj maj yakan.

[Tamelaualismej]