Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia noviembre

“Keman momikilia se totasojikniuj semi titajyouiaj uan moita ke amo se kixikoskia. ¿Tikonnemilia ke totasojikniuan uan tochankauan akin momikilijkejya oksepa moajokuiskej?” Xikonnextili amaix Tamachtia Biblia. Xikonixtajtolti uan iuan xikonita tajkuilolmej tein ixnesij itech página 69 kampa kijtoua ke Dios kinajokuis mikemej. Xionmotenkaua iuan kemanian nankisentokaskej nankiitaskej nejin tamachtilis.

Tanejmachtijkej 1 metsti noviembre

“Miakej kintekipachoua porin takajkayauaj ika tomin itech tekiuajyomej uan itech kaltekitiloyamej. ¿Tikonnemilia tejuatsin ke uelis mochiuas teisa tein ika moyektalis nejin kuejmolmej? [Xikonkaua maj tanankili.] Xikonita tein kichiuas Jesús ininka akin tajyouijtokej ika nejin kuejmolmej [xikonixtajtolti Salmo 72:12-14]. Nejin amaix kijtoua keniuj nochi takajkayaualis ika tomin amo uejkaua ixpoliuis.”

¡Despertad! Noviembre

“Axkan tikchiujtokej se tekit tein uelis kinpaleuis nochin kalyetouanij. ¿Melauj ke itech nejin tonalmej miakej kalyetouanij sayoj kipiaj semej ininpopauan? ¿Tikonnemilia ke okachi kinkisa ouij nemiskej kemej okseki kalyetouanij? [Xikonkaua maj tanankili.] Itech Biblia moajsij tayolmajxitilismej tein kinpaleuiani miakej tetatmej [xikonixtajtolti 2 Timoteo 3:16]. Nejin amaix kinextia keniuj tein kijtoua Biblia kinpaleuiani tetatmej akin ininselti kiniskaltiaj ininkoneuan.”