Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia enero

“Tiknekiskiaj timitsonchiuiliskej se netajtanil, ¿tikonmati katiyejua itokay Dios? [Xikonkaua maj tanankili.] Xikonita tein kijtoua nikan.” Xikonnextili tamachtilis tein moajsi itamiampa amaix Tanejmachtijkej 1 metsti enero, xiksenitakan tamachtilis tein kiualkui itech yekinika netajtanil uan xikonixtajtoltili maski sayoj se texto. Xikonkauili amaixmej uan xionmotenkaua iuan kemanian nankisentokaskej nankiitaskej okse netajtanil.

Tanejmachtijkej 1 metsti enero

“Tel miakej taltikpakneminij tajtouaj ika itamilis taltikpak, uan nejin kichiua maj moujkanemikan. ¿Toni tikonnemilia tejuatsin? [Xikonkaua maj tanankili.] Biblia kijtoua ke kemaj onkas se ixpoliuilis, sayoj ke no kijtoua ke miakej makisaskej [xikonixtajtolti 1 Juan 2:17]. Nejin amaix kinankilia naui netajtanilmej tein miakej taltikpakneminij okachi motajtaniaj ika itamilis taltikpak.”

¡Despertad! Enero

“Axkan tikchiujtokej se tekit tein uelis kinpaleuis nochin kalyetouanij. ¿Tikonnemilia tejuatsin ke kalyetouanij moneki nemiskej ijkon kemej kijtoj Jesús? [Xikonixtajtolti Hechos 20:35b uan xikonkaua maj tanankili.] Itech nejin tonalmej nochin kitemouaj sayoj kichiuaskej inintanejnekilis. Yejua ika semi ouij tikinmachtiskej tokoneuan maj tapoujkaitakan. Nejin tamachtilis kitemaka seki kuali tayolmajxitilismej tein uelis kinpaleuis tetatmej.”