Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia enero

“Miakej taltikpakneminij tataman kemej kiitaj Dios. Sekin kineltokaj ke yejuatsin se chikaualis tein amo akin kiixmati. Oksekin, kiitaj kemej se tepopaj tetasojtakej. Uan tejuatsin, ¿keniuj tikonita Dios?” Xikonkaua maj tanankili. Xikonnextili tamachtilis tein moajsi itamiampa amaix Tanejmachtijkej 1 metsti enero, xiksenitakan tamachtilis tein kiualkui itech yekinika netajtanil uan xikonixtajtoltili maski sayoj se texto. Xikonkauili amaixmej uan xionmotenkaua iuan kemanian nankisentokaskej nankiitaskej okse netajtanil.

Tanejmachtijkej 1 metsti enero

“Titajtojtokej iniuan akin nemij nikauin ika se taman tein tinochin techtajyouiltia: keman momikilia aksa akin tiktasojtaj. Keman panoua nejon semi titajyouiaj. ¿Toni tikonnemilia tejuatsin? [Xikonkaua maj tanankili.] Timiakej techyolseuiani nejin tajtolmej tein moajsij itech Biblia [xikonixtajtolti Isaías 25:8]. Nejin amaix kimelaua ke Dios motenkaua kiixpolos mikilis uan kichiuas maj oksepa nemikan akin momikilijkejya.”

¡Despertad! Enero

“Itech nejin tonalmej, kalyetouanij kipanouaj miak ouijkayomej tein achto amo moitaya. ¿Toni tikonnemilia ke moneki kichiuaskej tein kinpaleuis maj kuali mouikakan? [Xikonkaua maj tanankili.] Xikonita tein nejin tajkuilol kijtoua ke kinpaleuis [xikonixtajtolti Proverbios 24:3]. Miakej kiitanij ke Biblia kitemaka kuali tamachtilis tein semi tapaleuia. Nejin amaix kinextia kani itech Internet uelis tikajsiskej tamachtilis uan okseki taman tein amo moixtaua uan tein uelis kinpaleuis nochin kalyetouanij.”