Ika yolpakilis maj tikchiuakan tein monekis itech tonalmej keman tikelnamikiskej imikilis Jesús
1. ¿Toni uelis tikchiuaskej itech tonalmej keman tikelnamikij imikilis Jesús?
1 Itech nejin xiuit, tonal martes 26 metsti marzo, keman tikelnamikiskej imikilis Jesús, uelis timoyolpaktiskej ika tein Dios kichiuak porin kiixtalij tein ika techmakixtis (Is. 61:10). Sayoj ke seki tonal achto, yolpakilis techpaleuis maj tikchiuakan tein monekis. Maj tikitakan keyej.
2. ¿Toni techolinia maj tikchiuakan tein monekis itech tonal keman tikelnamikiskej imikilis Jesús?
2 Tein moneki mochiuas achto. ITakualis toTekotsin motelneki, sayoj ke amo tikchiuaj se ueyi iluit. Maski ijkon, moneki tikixtaliskej achto tein ijkuak mochiuas uan ijkon amo tikixpanauiskej nion se taman (Prov. 21:5). Moneki moixtalis se kuali hora uan kampa kuali timonechikoskej. Moneki se kitemos pan uan vino uan kampa timosentiliskej moneki motachipauas uan motayektalis. Akin kitemakas tanojnots moneki achto kuali momachtis, uan tayektalianij uan akin kipanoltiskej pan uan vino moneki kimatiskej toni kichiuaskej. Xa nochi nejin tikchiujkejya. Kemej tiktasojkamatij ika nochi toyolo tein Dios ika techmakixtij, techyolchikaua maj tikchiuakan nochi tein monekis itech nejon tonal (1 Ped. 1:8, 9).
3. ¿Keniuj uelis tikyektaliskej toyolo itech tonalmej ijkuak tikelnamikiskej imikilis Jesús?
3 Maj tikyektalikan toyolo. No moneki maj tikyektalikan toyolo uan ijkon tikajsikamatiskej toni senkis kijtosneki imikilis Jesús (Esd. 7:10). Yejua ika, moneki tikxeloskej tonal iniuan tochankauan uan tikixtajtoltiskej itech Biblia tein ixyetok nejon tonalmej kampa ika motajtoua Jesús achto ke kimiktiskiaj, uan maj tisejsemej itech titanemilikan. Komo ijkon tikchiuaj, techolinis maj tikchiuakan kemej Jesús (Gál. 2:20).
4. ¿Katiyejua tatiochiualismej tein tikseliaj ika imikilis Jesús okachi mitsonyolpaktia?
4 Imikilis Cristo kiyeknextij ke Jiova yejuatsin ueyi taixyekankej uan techmakixtij itech tajtakol uan mikilis. Techpaleuij maj kuali timouikakan iuan Dios uan maj tiuelikan tikpiakan nemilis nochipaya (Col. 1:21, 22; 1 Juan 2:2). No techpaleuia maj okachi tikixtalikan tinemiskej ijkon kemej timotenkaujkej iuan Jiova uan tiksentokaskej tiyeskij tiitatojtokakauan Cristo (Mat. 16:24). Okachi tiyolpakiskej keman tikchiuaskej tein monekis uan tiyaskej itech tonal keman tikelnamikiskej imikilis Jesús.