Maj tikchiuakan tein monekis keman tikelnamikiskej imikilis Jesús
Katka tonal 13 metsti nisán xiuit 33. Jesús kimatia ke sayoj nejon youak yetoskia iniuan itasojikniuan porin amo uejkaua kimiktiskiaj. Amo kichiuaskiaok Pascua iniuan uan kiixpataskia nejon iluit ika iTakualis toTekotsin. Kemej Pascua motelnekia, yejua ika monekia mochiuas seki taman uan kiluij Pedro uan Juan maj kichiuakan nejon (Luc. 22:7-13). Ijkuak uan hasta axkan, semi moneki akin tikchiuaj kemej Cristo uan tikelnamikij imikilis maj tikchiuakan tein moneki (Luc. 22:19). Maj tikitakan toni moneki tikchiuaskej uan ijkon uelis tikelnamikiskej imikilis Jesús itech tonal 3 metsti abril.
Tein achto moneki kichiuaskej tanojnotsanij:
Hasta kampa ueliskej maj kimoyauakan amaix tein ika titayoleuaskej maj touan mosentilikan keman tikelnamikiskej imikilis Cristo.
Maj kiamatalikan akoni kinyoleuaskej, kemej akin kinmachtiaj ika Biblia, ininchankauan, akin iniuan momachtiaj oso tekitij uan oksekin akin kinixmatij.
Maj kiixtajtoltikan tajkuilol tein ixyetok keman tikelnamikij imikilis Cristo uan maj itech tanemilikan.
Maj kuali kinselikan akin yaskej keman tikelnamikiskej imikilis Cristo.