Okseki taman tein ika uelis okachi tikueyichiuaskej Jiova
1. ¿Toni yankuik taman tein moixtalij techpaleuia maj “senkis” tikueyichiuakan Jiova?
1 Tanojnotsanij axkan uelis kichiuaskej tekit kemej precursor auxiliar ika treinta horas nochi xiujmej itech metsti marzo uan abril, ijkon kemej ijkuak yetos tokniuj takalpanojkej. Nejin yankuik tanauatil peuak mochiua nejin xiuit itech metsti marzo. Komo takalpanolis kikui itamian se metsti uan ipeujyan okse, tanojnotsanij uelis kiixpejpenaskej temakaskej treinta horas itech semej nejon ome metsti. Nochin akin kichiuaskej tekit kemej precursor auxiliar uelis yetoskej itech nochi nechikol tein tokniuj takalpanojkej kipia iniuan akin kichiuaj tekit kemej precursor regular uan especial. Yejua ika, komo amo ueli tikchiuaj tekit kemej precursor ika cincuenta horas, naui metsti itech xiuit uelis “senkis” tikueyichiuaskej Jiova keman tikchiuaskej tekit kemej precursor auxiliar ika treinta horas (Sal. 109:30; 119:171).
2. ¿Toni tein kuali kiseliskej akin kichiuaskej tekit kemej precursor auxiliar keman yetos tokniuj takalpanojkej?
2 Itech metsti keman yetos tokniuj takalpanojkej. Axkan okachi miakej tanojnotsanij uelis kichiuaskej tekit kemej precursor auxiliar keman yetos tokniuj takalpanojkej uan yolpakiskej porin ‘moyolmajxitiskej ika inintakuaujtamatilis’ keman iuan tanojnotsaskej (Rom. 1:11, 12). Akin kichiuaskej tekit kemej precursor auxiliar xa tajtaniskej maj amo tekitikan se tonal uan ijkon tanojnotsaskej iuan tokniuj takalpanojkej. Akin tekitij itech semana uelis kiiluiskej maj iniuan kisa tonal sábado oso domingo. Uan no, semi kinyolchikauas yetoskej itech nechikol iniuan akin kichiuaj tekit kemej precursor regular uan especial.
3. ¿Keyej itech metsti keman moelnamiki imikilis Cristo uelis tikchiuaskej tekit kemej precursor auxiliar?
3 Itech metsti marzo uan abril. Akin kiselianij tein kuali porin kichiuanij tekit kemej precursor auxiliar ika treinta horas itech metsti keman moelnamiki imikilis Cristo, axkan uelis okachi ‘kimouistiliskej Dios’ (Heb. 13:15). Metsti marzo uan abril techpaleuia maj okachi titanojnotsakan komo tikchiuaj tekit kemej precursor auxiliar. Itech nejon tonalmej tikinyoleuaj taltikpakneminij maj touan monechikokan itech tonal keman tikelnamikiskej imikilis Cristo. Uan no, kemej tanojnotsanij okachi kisaj, moajsij okachi tokniuan akin uelis iniuan titanojnotsaskej. Uan satepan ke panos nejon tonal, moneki maj tiksentokakan tikinpaleuikan taltikpakneminij akin touan monechikojkej uan maj tikinyolchikauakan maj yakan kikakitij tanojnots tein motemakas seki tonalmej satepan ke moelnamikis imikilis Cristo. ¿Techolinis toyolo maj tikchiuakan tekit kemej precursor auxiliar uan ijkon okachi tikueyitaliskej Jiova? (Luc. 6:45.)