Kampa monankilia netajtanilmej

◼ Komo se tokniuj siuat tamachtia ika Biblia itech ikaltenoj aksa iuan se tokniuj takat, ¿moneki mokuapikis?

Keman se tokniuj siuat kichiua se nemachtil ika Biblia tein ixyetokya kemanian kichiuas uan iuan youi se tokniuj takat, moneki mokuapikis (1 Cor. 11:3-10). Itech amaix La Atalaya 15 de julio de 2002, página 27 kijtoua: “Kemej ixyetokya motemakas nejin nemachtil, akin temaka nejon nemachtil yejua kiixyekana, yejua ika, nejin mochiua kemej yeskia se tamachtilis tein motemaka itech nechikol. Komo se tokniuj siuat akin moauijya kichiua se nemachtil iuan se tokniuj takat akin no moauijya, moneki mokuapikis”. Nejin nochipa ijkon moneki mochiuas, maski nemachtil mochiuas kalijtik, kaltenoj oso kampa yeski.

Sayoj ke ¿komo nemachtil ayamo moixtalia kemanian mochiuas? Ijkuak, tokniuj siuat amo moneki mokuapikis, maski sayoj kinextilitij taltikpaknenkej keniuj mochiua se nemachtil ika Biblia, oso iuan kiitatij se tamachtilis tein moajsi itech semej amaixmej tein ika motemaka nemachtilmej ika Biblia. Kemej nemachtilmej tein mochiuaj kaltenoj amo niman moixtalia kemanian mochiuas ta hasta satepan ke miakpa se kinitati, tokniuan moneki kipiaskej kuali taixejekolis uan kiitaskej kemanian monekis maj se tokniuj siuat mokuapiki.