Maj okachi kuali titanojnotsakan: xikonpeualti se nemachtil ika Biblia ikaltenoj taltikpaknenkej ika amaix Kuali tanauatilmej tein Dios kitemaka
Keyej motelneki. Moneki tikmatiskej titamachtiskej porin ijkon uelis tikinpaleuiskej taltikpakneminij maj mochiuakan itatojtokakauan Cristo (Mat. 28:19, 20). Tinochin uelis kuali tikteixmatiltiskej tamachtilis tein melauak komo kuali tiktekitiltiaj nepaleuilmej tein tikpiaj. Amaix Kuali tanauatilmej tein Dios kitemaka, mochijchiuak maj techpaleui maj kuali tikchiuakan nejon tekit. Uelis tikuiskej nejin amaix uan ika tikpeualtiskej se nemachtil ika Biblia ikaltenoj taltikpaknenkej keman yekinika iuan titajtoskej.
Xikonchiua nejin itech metsti:
Xikontataujti Jiova maj mitsonpaleui xikonnejneki tikonpeualtis se nemachtil ika Biblia. Xikontajtani maj mitsonpaleui xikonpeualti se nemachtil ika Biblia, uan maj kuali xikonmachti taltikpaknenkej (Filip. 2:13).
Xionmomamachti tein tikonijtos keman tiontaueyichiuas iniuan mokalyetouanij oso keman tionmomachtis moselti. Ijkon, kuali tionmomachilis keman tiontajtos uan okachi amo ouij tikonpeualtis se nemachtil ika Biblia ikaltenoj se taltikpaknenkej.