Maj tikuikan amaix Kuali tanauatilmej keman titamachtiskej
1. ¿Keniuj chijchiujtok amaix Kuali tanauatilmej?
1 Kemej tikitakej itech amaix ITekiyo Dios tein Tikchiuaj itech metsti julio, se nepaleuil tein moneki tein ika tikteixmatiltiaj tamachtilis tein melauak yejua amaix Kuali tanauatilmej tein Dios kitemaka. Itech nejin amaix, tein kijtoua texto amo ijkuiliujtok, ijkon momachtijkej uelis kiixtajtoltis itech Biblia. Maski nochi toamaixuan chijchiujtokej kemej tapaleuis maj se iselti se kiajsikamati tamachtilis, nejin amaix moneki kimelauas se tamachtijkej. Yejua ika, keman tikmakaskej aksa, maj tiktemokan tiknextiliskej keniuj tiktemakaj se nemachtil ika Biblia uan ijkon kiitas ke tel kualtsin maj se momachti nejin kuali tanauatilmej (Mat. 13:44).
2. ¿Keniuj uelis tikuiskej amaix Kuali tanauatilmej keman yekinika titakalpanoskej?
2 Keman yekinika titakalpanoskej. Uelis tikijtoskej: “Keman momati tein panoua noyampa taltikpak, miakej kintekipachoua tein mochiuas satepan. ¿Tikonnemilia ke motayektalis? [Xikonkaua maj tanankili.] ¿Tikonmatia ke Biblia kijtoua ke uelis tikchiaskej tein kuali? Nejin amaix kinextia seki netajtanilmej tein Biblia kinankilia”. Xikonmaka amaix uan xikonilui maj kiixpejpena se netajtanil tein moajsi itamian página. Xikonnextili keniuj tiktemakaj se nemachtil ika Biblia ika yekinika párrafo tein kipia tamachtilis tein kinankilia nejon netajtanil. Oso no uelis tikonnextilis keniuj amaix kipaleuia maj kiajsi itech Biblia itanankilil se netajtanil tein kipia se tamachtilis tein tejuatsin tikonixpejpenak. Komo itech jw.org moajsi se video tein mouika iuan nejon tamachtilis, uelis tikonkuis.
3. Xikonmelaua keniuj tikuiskej amaix Kuali tanauatilmej keman titamachtiskej ika Biblia.
3 Keniuj tikuiskej keman titamachtiskej ika Biblia. 1) Xikonixtajtolti netajtanil tein kipia tapoual tein tiltik uan ijkon taltikpaknenkej kiitas tein okachi tayekantok. 2) Satepan, xikonixtajtolti párrafo. 3) Xikonixtajtolti tajkuilolmej tein ixnesi cursiva uan ika okseki netajtanilmej tein kuali tikonnemilis, uelis tikonpaleuis taltikpaknenkej maj kinankili ika Biblia netajtanil tein tiltik. 4) Komo moajsi okachi párrafos tein kinankilia nejon netajtanil, xikonchiua kemej kijtoua tapoual 2 uan 3. Komo moajsi se video tein kinankilia nejon netajtanil uan ayamo tikonnextilia, uelis tikonnextilis ijkuak tikonmachtis. 5) Ika tami, xikonilui taltikpaknenkej maj kinankili netajtanil, ijkon tikonyekmatis ox kiajsikamatik tamachtilis.
4. ¿Toni techpaleuis maj kuali tiktekitiltikan nejin amaix keman tikuiskej?
4 Xikonmati keniuj tikonkuis nejin amaix tein semi tapaleuia uan nochipa xikontekitilti keman tionuelis. Achto ke tikonmachtitiuj aksa, xiontanemili itech momachtijkej uan keniuj uelis tikontanemililtis ika tajkuilolmej tein moajsij itech tamachtilis (Prov. 15:28; Hech. 17:2, 3). Ijkon kemej okachi tikonmatis keniuj tikontekitiltis nejin amaix, okachi tikonnekis tikonkuis uan ika tikonmachtis oksekin tamachtilis tein melauak.