Xikontekitilti
¿Tikontekitiltijtok nejin folletos?
Biblia, ¿toni ika tajtoua?
Chijchiujtok kemej kinpaleuis akin sayoj tepitsin kimatij tein kijtoua Biblia, uan okachiok akin amo pouij itech taneltokalis kampa kijtouaj kitojtokaj Cristo
Keniuj tiktemakaskej. “Nikuelitaskia nikmatis keniuj tikonita tein kijtoua nejin Tajkuilol [xikonixtajtolti Salmos 37:11 tein ika motajtoua itech tamachtilis 11]. ¿Keniuj tikonnemilia ke yeski taltikpak keman mochiuas tein nikan kijtoua? [Xikonkaua maj tanankili.] Nejin tajtolmej uan oksekiok tein kipia Biblia, uelis kinpaleuis maj kichiakan tein kuali satepan uan kinyolchikauas nochin tein seseko kayomej uan kipiaj tataman taneltokalis.” Xikonixtajtolti párrafo tein yetok ipeujyan página 3 uan xikonkauili amaix.
Uelis tikonchiuas nejin. Komo tikonmachtijtok ika amaix Tamachtia Biblia se akin amo poui itech taneltokalis kampa kijtouaj kitojtokaj Cristo, itech seki minuto keman peuas oso tamis se nemachtil, xikonita iuan se taxelol tein kipia folleto uan ijkon okachi kiixmatis nochi Biblia.
Imin espíritus mikemej... ¿Uelij tepaleuiaj oso teijtakouaj? ¿Yekmelauj nemij?
Chijchiujtok kemej kinpaleuis akin kinekij kimatiskej akonimej yekmelauj nemij iluikak
Keniuj tiktemakaskej. “Sekin mokejkelouaj keman kikakij ke nemij espíritus tein amo ueli se kinita. Oksekin kineltokaj ke nemij espíritus tein yolkualmej uan tein amo yolkualmej akin achto nenkej uan momikilijkej nikan taltikpak. ¿Toni tikonnemilia tejuatsin?” Xikonkaua maj tanankili. Xikonixtajtolti Génesis 3:19 uan xikonita página 4, párrafo 3 uan 4. Xikonkauili amaix uan xionmotenkaua iuan kemanian nankisentokaskej nankiitaskej nejin tamachtilis.
Uelis tikonchiuas nejin. Komo taltikpaknenkej kiselia amaix, xikonijto: “Se taman tein kichiua maj amo momati akonimej yekmelauj nemij iluikak yejua porin itech taneltokalis amo kijtouaj tein yekmelauj tamachtia Biblia. Keman oksepa niualas, okachi ika titajtoskej tein axkan tikitakej”. Keman oksepa tikonkalpanos, xikonsentoka iuan xikonita tamachtilis itech páginas 4 hasta 6.
Uelis timochiuas tiitasojikniuj Dios
Chijchiujtok kemej kinpaleuis akin amo semi momachtijkej oso amo yektaixmatij
Keniuj tiktemakaskej. “¿Tikonnemilia ke uelis kuali se mouikas iuan Dios? [Xikonkaua maj tanankili, ompa xikonixtajtolti Santiago 2:23, NM.] Nejin amaix chijchiujtok kemej techpaleuis maj kuali timouikakan iuan Dios kemej Abrahán.”
Uelis tikonchiuas nejin. Itech yekinika takalpanolis oso keman oksepa tikonkalpanos taltikpaknenkej, xiksenitakan nochi oso sayoj tepitsin tein kipia tamachtilis 1, uan ika nejon xikonnextili keniuj mochiua se nemachtil ika Biblia.