Tiktemakaskej yankuik folleto itech tanojnotsalis
1. ¿Toni tiktemakaskej itech metsti noviembre, uan keniuj tapaleuis nejin amaix?
1 Itech Ueyi Nechikol tein motokaytij “¡Xitachixtokan!” tein mochiuak itech xiuit 2009, kisak se yankuik folleto tein motokaytia Biblia, ¿toni ika tajtoua? Itech metsti noviembre, noyampa taltikpak yekinika tiktemakaskej itech tanojnotsalis. ¿Keniuj kinpaleuis amaix akin tikinmakaskej? Miakej taltikpakneminij, uan okachiok akin amo pouij itech se taneltokalis tein kijtouaj kitojtokaj Cristo, kimatij sayoj tepitsin tein ika tajtoua Biblia. Yejika nejin folleto, kemej kimelaua itech página 3, ‘kinpaleuis maj kipiakan se tanemilil tein kipia Biblia’.
2. ¿Toni uelis tikijtoskej keman tiktemakaskej folleto?
2 Keniuj tiktemakaskej. Uelis tikijtoskej nejin: “Nikuelitaskia nikmatis keniuj tikonita nejin tajtolmej [xikonixtajtolti 2 Timoteo 3:16.] Miakej techiluianij ke melauak nejin tajtolmej, oksekin kinemiliaj ke Biblia sayoj se tel kuali amaix. ¿Uan tejuatsin keniuj tikonita Biblia? [Xikonkaua maj tanankili.] Onkak miak taman keyej moneki timomachtiskej Biblia maski tikpiaskej totaneltokalis [xikonixtajtolti párrafo tein yetok ipeujyan página 3]. Ika se ome eyi tajtolmej, nejin amaix tel kualtsin techtapouia tein ika tajtoua Biblia. Keman tikonixtajtoltis, tikonitas ke tema tein kipia Biblia mouika iuan tamachtilis tein kiualkui”.
3. ¿Keniuj no uelis tipeuaskej titajtoskej, uan okachiok iuan akin amo pouij itech se taneltokalis tein kijtouaj kitojtokaj Cristo?
3 Nikan no tikijtotij okse taman keniuj tiktemakaskej, uan okachiok komo tikinajsij akin amo pouij itech se taneltokalis tein kijtouaj kitojtokaj Cristo: “Nikuelitaskia nikmatis keniuj tikonita nejin Tajkuilol [xikonixtajtolti Salmo 37:11]. ¿Keniuj tikonnemilia ke eski taltikpak keman mochiuas nejin tajtolmej? [Xikonkaua maj tanankili.] Tajtolmej kemej nejin tein ixnesi itech Biblia, uelis kinmakas se nechialis uan kinyolchikauas nochin tein kipiaj tataman taneltokalis”. Xikonixtajtolti párrafo tein yetok ipeujyan página 3 uan xikonkauili amaix.
4. ¿Keniuj uelis tikpeualtiskej se nemachtil ika folleto?
4 Keniuj tikpeualtiskej se nemachtil. Keman oksepa tikalpanoskej taltikpaknenkej, uelis tikelnamiktiskej tein achto ika titajtojkej uan iuan tikitaskej se oso ome párrafos kampa okachi kimelaua tein ika titajtojkaj, uan tikuiskej netajtanilmej tein kipia itamian sección. Oso komo niman tiknekij tiknextiliskej amaix Tamachtia Biblia, uelis tikixtajtoltiliskej página 32 tein kiualkui folleto. Ompa, tikmakaskej amaix Tamachtia Biblia, tiktajtaniskej katiyejua capítulo kineki kimatis uan iuan tikitaskej se oso ome párrafo tein kiualkui capítulo. Maj tinochin tiktemakakan folleto itech metsti noviembre.