Okse taman kemej uelis tikuiskej amaix Biblia, ¿toni ika tajtoua?
Miakej tein moajsij kampa titanojnotsaj, uan okachiok akin amo pouij itech se taneltokalis tein kijtouaj kitojtokaj Cristo, sayoj tepitsin kimatij tein kijtoua Biblia. Sekin tanojnotsanij keman momachtiaj iuan semej nejin taltikpakneminij ika amaix Tamachtia Biblia, no kikuij folleto Biblia, ¿toni ika tajtoua? uan ika nejon kipaleuiaj maj okachi kimati tein kijtoua Biblia. Kemej neskayot, se tokniuj kiita iuan momachtijkej taxelol 1 tein kiualkui folleto keman ajsij itech capítulo 3 tein kipia Tamachtia Biblia. Uan ijkon kisentoka kichiua satepan. Keman matami se nemachtil, kiita okse taxelol. ¿Tikonmachtijtok aksa akin sayoj tepitsin kimati tein kijtoua Biblia oso senkis amo kimati? Uelis nankiitaskej taxelolmej tein kiualkui amaix Biblia, ¿toni ika tajtoua? keman nanmatamiskej sejse nemachtil ika amaix Tamachtia Biblia. Ijkon, uelis tikonpaleuis maj kiixmati ‘Tajkuilolamatsin de Dios tein kiyekantiyas para kajsis ne nemakixtilis’ (2 Tim. 3:15).