Tonal keman moelnamiki imikilis Jesús: ijkuak uelis tiknextiskej ke timotasojkamatij

1. ¿Toni uelis tikchiuaskej keman moelnamikis imikilis Jesús?

¹ Itech tonal 14 metsti abril, keman moelnamikis imikilis Jesús, uelis okachi tiknextiskej ke tiktasojkamatij inetasojtalis Jiova. Itech Lucas 17:11-18 kinextia keniuj Jiova uan Jesús kiitaj nejin kualneskayot. ¡Tetayokoltij tikijtoskej ke majtakti takamej tein kokotokatoya ininnakayo akin Jesús kinpajtij, sayoj se mokepak kitasojkamatilito! Amo uejkaua, imikilis Cristo kichiuas maj tami nochi tein amo kuali uan maj tikpiakan nemilis nochipaya. Ijkuak, mojmostaj tiktasojkamatiliskej Jiova nochi nejon itatiochiualisuan. Sayoj ke ¿keniuj uelis tiknextiskej ke timotasojkamatij itech semanas tein uitsejok?

2. ¿Keniuj uelis tikiskaltiskej totasojkamatilis ika imikilis Jesús?

² Maj timotasojkamatikan. Tasojkamatilis tein tikmachiliaj ualeua itech totanemililuan. Se taman tein techpaleuis maj okachi tiktasojkamatikan imikilis Jesús, yejua textos tein moixtalia maj moixtajtolti itech Biblia achto keman tikelnamikiskej imikilis Cristo, kemej itech calendario uan Examinando las Escrituras diariamente. ¿Uelis tikixtajtoltiskej Biblia kemej kalyetouanij? Komo tikchiuaj techpaleuis maj okachi tiktasojkamatikan imikilis Jesús, uan no techolinis maj kuali timonejnemiltikan (2 Cor. 5:14, 15; 1 Juan 4:11).

3. ¿Keniuj uelis tiknextiskej ke timotasojkamatij itech tonalmej keman moelnamikis imikilis Jesús?

³ Maj tiknextikan ke timotasojkamatij. Ika tein tikchiuaj tiknextiaj ke timotasojkamatij (Col. 3:15). Takat akin kokotokatoya inakayo kitemoj Jesús uan kitasojkamatilij. Uelis tikijtoskej ke ika yolpakilis miakej kintapouij ke Jesús kipajtij ika ichikaualis Dios (Luc. 6:45). ¿Techolinis nejon tasojkamatilis maj titanojnotsakan ika yolpakilis itech tonalmej keman moelnamiki imikilis Jesús? Okse taman kemej uelis tiknextiskej ke timotasojkamatij yejua komo tikchiuaj tekit kemej precursor auxiliar oso okachi tikisaj titanojnotsatij itech nejon tonalmej. Uan itech nejon youak, kuali tikinseliskej akin techkalpanoskej uan ika miak pakilis tiknankiliskej netajtanilmej tein kipiaskej.

4. ¿Toni uelis tikchiuaskej keman moelnamikis imikilis Jesús uan ijkon amo teyi ika timotayokoltiskej?

⁴ ¿Tikelnamikiskejok imikilis Jesús okse xiuit? (1 Cor. 11:26.) Amo tikmatij. Tein kemaj tikmatij ke komo okse xiuit amo moelnamikiok imikilis Jesús, amo onkasok okse tonal keman uelis tiknextiskej ke timotasojkamatij. ¿Ijkon tikchiuaskej? Maj totajtoluan uan tein tiknemiliskej itech toyolo maj kiyolpakti Jiova, akin kitemakak iKonetsin maj techmakixti (Sal. 19:14).