Tel kualtsin kemej chijchiujtokej yankuik tratados
1. ¿Katiyejua amaixmej tein tikuij itech tanojnotsalis yankuik kemej chijchiujtokej uan kualtsitsin?
1 Itech ueyi nechikol tein uejkaua eyi tonal tein kipiakej itaixpantijkauan Jiova itech xiuit 2013 tein motokaytij “ITajtol Dios yejua tein melauak” mokixtijkej makuil yankuik tratados, uan no tikpiayajya okse tratado Tanauatilmej ika iTekiuajyo Dios tapoual 38, tein itokay ¿Uelis oksepa nemiskej akin momikilijkejya? Chikuasen tratados, yankuik kemej chijchiujtokej uan kualtsitsin. ¿Keyej yankuik kemej chijchiujtokej? ¿Keniuj techpaleuis kemej chijchiujtokej maj kuali tikuikan keman tiktemakaskej kajkalpan?
2. ¿Keniuj techpaleuiaj itech tanojnotsalis yankuik tratados kemej chijchiujtokej?
2 Keyej yankuik kemej chijchiujtokej. Tein okachi tapaleuia keman tiyouij kajkalpan maj kuali tipeuakan titajtokan yejua nejin naui taman: 1) tikchiuaskej se netajtanil uan tikchiaskej maj tanankili taltikpaknenkej uan ijkon uelis tipeuaskej titajtoskej iuan, 2) tiknextiliskej tein kijtoua Biblia, 3) tikauiliskej se amaix maj kiixtajtolti uan 4) tikchiuaskej se netajtanil tein tiknankiliskej keman oksepa tikalpanoskej uan maj timotenkauakan kemanian timokepaskej. Ijkon kemej yankuik chijchiujtokej tratados techpaleuiskej maj amo ouij tiktojtokakan nejon naui taman.
3. ¿Keniuj uelis tiktemakaskej yankuik tratados itech tanojnotsalis?
3 Keniuj uelis tikuiskej. Satepan keman tiktajpaloskej taltikpaknenkej, uelis 1) tiknextiliskej netajtanil tein yetok itech yekinika página tein kichiua maj amo motemaka sayoj se tanankilil uan tiktajtaniskej toni kinemilia, 2) tiktaposkej tratado uan tiknextiskej “Tein kijtoua Biblia”. Satepan uelis tikixtajtoltiskej texto itech Biblia, komo ueli uan taltikpaknenkej kipia tiempo, uelis iuan tikitaskej tamachtilis “Keniuj techpaleuia”, 3) tikauiliskej tratado uan tikyoleuaskej maj kiixtajtolti keman uelis, 4) achto ke tiyaskej, tiknextiliskej netajtanil itech itamian tratado, kampa kijtoua “Xionmotajtani” uan timotenkauaskej iuan kemanian timokepaskej uan tikitaskej tanankilil tein kitemaka Biblia.
4. ¿Keniuj uelis tikuiskej yankuik tratados keman oksepa titakalpanoskej?
4 Keman oksepa titakalpanoskej amo no ouij. Sayoj moneki tikuiskej textos tein ixnesij itech itamian tratado tein ika tiknankiliskej netajtanil tein tikaujkej keman yekinika tikalpanojkej uan tiknextiliskej taixkopin tein kiualkui amaix Kuali tanauatilmej tein ixnesi itech tratado. Satepan, uelis tiknextiliskej amaix uan tamachtilis tein ika titajtojkej, uan ompa maj tikauilikan amaix. Komo kiselia, maj timotenkauakan kemanian uelis tiksenitaskej. Ijkon mopeualtia se nemachtil ika Biblia. No uelis tikauiliskej okse tratado uan timotenkauaskej tikitaskej kemanian oksepa tikalpanoskej.
5. ¿Keyej techtelpaleuiaj tratados itech tanojnotsalis?
5 Tikuinij tratados itech tanojnotsalis panouaya ciento treinta xiujmej. Mopatani kemej chijchiujtokej, seki okachi uejueyi uan seki amo, sayoj ke semi techpaleuianij itech tanojnotsalis. Maj tikuikan kemej chijchiujtokej yankuik tratados uan ijkon maj tiksentokakan tikteixmatiltikan tein tamachtia Biblia itech nochi taltikpak (Prov. 15:7a).