Keniuj tikmelauaskej tein tikneltokaj ika xiuit 1914
ITajtol Dios techiluia ke ijkuak tikmelauaskej tein tikneltokaj maj tikchiuakan “ika yolyemanalis uan ika mouisyot” (1 Ped. 3:15). Tein melauj ouij tikmelauaskej seki tamachtilis tein kipia Biblia, kemej neskayot, ke iTekiuajyo Dios peuak taixyekana itech xiuit 1914. Mochijchiuak se tamachtilis tein ojkan moxeloua tein itokay: “Keniuj se itaixpantijkauj Jiova monojnotsa iuan se taltikpaknenkej: ¿Kemanian peuak taixyekana iTekiuajyo Dios?”. Nejon tamachtilismej ixnesiskej itech amaix Tanejmachtijkej tein titemakaskej itech tanojnotsalis seki metsti satepan. Keman tikonixtajtoltis xikonnemili itech nejin netajtanilmej tein tapaleuia maj tikitakan keniuj tokniuj Julio kuali kinankilij Ernesto.
¿Keniuj...
... kitemoj se taman tein ika ueliskia monojnotsaskiaj uan kiluij tein kuali kichiujtoya? (Hech. 17:22.)
... amo moueyichiuak keman kimelauak tein kineltoka? (Hech. 14:15.)
¿Keyej semi kuali maj...
... achto ke kiitaskiaj okse tamachtilis, tepitsin kielnamikiskiaj tein achto kiitakej?
... kemansa kichiuani se netajtanil uan ijkon kiitaskia ox Ernesto kiajsikamatia tein kimelauilijtoya?
... amo kiitanij miak tamachtilis itech se tonal? (Juan 16:12.)
Semi tiktasojkamatiliaj Jiova, toUeyi Tamachtijkauj, maj techpaleui maj tiuelikan tikinmelauilikan tamachtilismej tein kipia Biblia akin kitemouaj kimatiskej (Is. 30:20).