Seki tamachtilis tein tapaleuia maj okachi kuali titanojnotsakan
1. ¿Toni ome taman ika tapaleuia tamachtilis “Conversaciones con un testigo de Jehová”?
1 Kemansa itech amaix La Atalaya tein titemakaj itech tanojnotsalis moajsi se tamachtilis tein itokay “Conversaciones con un testigo de Jehová”, tein tapaleuia ika ome taman: kinextia tamachtilis tein kipia Biblia kemej kiuelitaskej akin tikinnojnotsaj uan technextilia keniuj kuali tikmelauaskej se taman tamachtilis (1 Ped. 3:15). Maj tikitakan keniuj uelis okachi kuali tiktekitiltiskej nejin tamachtilis.
2. ¿Keniuj uelis tiktekitiltiskej nejin tamachtilismej itech tanojnotsalis?
2 Maj tiktekitiltikan itech tanojnotsalis. Kuali yeskia maj tiksentilikan amaixmej La Atalaya kampa moajsij nejin tamachtilismej. Ijkon, komo kampa titanojnotsaj, se akin yekin peua tikalpanouaj oso akin kiselijtokya se nemachtil ika Biblia techchiuilia se netajtanil, oso techiluia se taman tein kiualkui itech semej tamachtilismej, uelis tikauiliskej amaix, uan komo kineki, uelis iuan tikitaskej. Komo amo tikpiaj se amaix, uelis tikajsiskej itech jw.org.
3. ¿Keniuj uelis titamachtiskej ika semej nejin tamachtilismej?
3 ¿Uan keniuj uelis titamachtiskej ika semej nejin tamachtilismej? Onkakej tokniuan akin chikauak kiixtajtoltiaj tein kijtoua tanojnotskej itech amaix uan kiyoleua akin kimachtia maj kinankilijtiuj ijkon kemej ixnesi itech amaix. Moitani ke komo ijkon titamachtiaj, amo ouij tikmelauaskej tein tikneltokaj; ijkon okachi kinekiskej techkakiskej (Deut. 32:2).
4. ¿Keniuj uelis techpaleuis nejin tamachtilismej?
4 Maj ika timomachtikan uan maj ika titamachtikan. Keman tikixtajtoltiskej nejin tamachtilismej, maj tikitakan tein kijtoua textos tein moajsij itech Biblia, neskayomej, tein kijtoua tanojnotskej uan no keniuj kijtoua. Satepan, maj timochikauakan tiktojtokaskej nejin neskayot itech tanojnotsalis (Prov. 1:5; 9:9). Se tokniuj siuat kijtoj: “Keman nikixtajtoltia nejin tamachtilismej, kemej yeskia nikita keniuj tanojnotstok se tel kuali precursor, akin nochipa kimati tein kijtos”.
5. ¿Toni uelis tikchiuaskej keman tikinnextiliskej akin tikinmachtiaj keniuj tanojnotsaskej?
5 Nejin tamachtilismej no tapaleuiaj keman tikinnextiliskej akin tikinmachtiaj keniuj tanojnotsaskej. Uelis tikixtajtoltiskej iniuan, uan maj yejuan kiixtajtoltikan tein kijtoua tanojnotskej. Ika nejin neskayomej tein tapaleuiaj, kiitaskej keniuj uelis kiteixmatiltiskej tein kineltokaj ika poujkaitalis uan tamatilis (Col. 4:6). Yekmelauj, nejin tamachtilismej yejua se taman tein Jiova ika techpaleuia maj kuali tikchiuakan totekiuj kemej tanojnotsanij (2 Tim. 4:5).