Se taman yankuik tein techpaleuis maj tikpeualtikan nemachtilmej ika Biblia
1. ¿Toni tein yankuik nesis itech La Atalaya tein tiktemakaj itech tanojnotsalis uan keyej mochijchiuak?
1 Itech metsti enero, amaix La Atalaya tein tiktemakaj itech tanojnotsalis, peuas kiualkuis se taman yankuik tein techpaleuis maj tikpeualtikan nemachtilmej ika Biblia. Motokaytia “Enseñanzas de la Palabra de Dios”. Maski tikyekmatij ke sekin tein moajsij kampa titanojnotsaj kiuelitaskej kiixtajtoltiskej keman tikinmakaskej, tein melauj, mochijchiuak maj techpaleui maj tiuelikan tikitakan iuan taltikpaknenkej.
2. ¿Toni kipias nejon tamachtilis?
2 ¿Toni kipias? Título uan subtítulos eskij netajtanilmej tein uelis tikchiuiliskej taltikpaknenkej keman iuan tikitaskej. Textos tein tayekantokej monekis se kitemos itech Biblia porin amo ijkuiliujtos itech amaix. Nejon tapaleuis maj taltikpaknenkej kitemo itech iTajtol Dios uan maj momachti ompa. Párrafos amo ueueyak eski, ijkon uelis iuan se kiitas ompa kaltenoj. Itech sejse tamachtilis techtitani itech amaix Tamachtia Biblia. Nejon techpaleuis maj tikpanoltikan nemachtil itech nejon amaix keman tikitaskej ke uelisya.
3. Keman titekitiskej kajkalpan, ¿keniuj ika nejon tamachtilis uelis tikpeualtiskej se nemachtil ika Biblia ompa kaltenoj?
3 Keniuj tikuiskej. Keman tikontemakas revistas uelis tikonchiuilis se netajtanil tein ika tajtoua tamachtilis uan tein kiolinis maj kineki kimatis okachi. Se neskayot, amaix 1 de enero ika tajtoua nemachtil tein kitemaka Biblia tein motelneki. Uelis tikontajtanis nejin: “¿Keniuj tikonita Biblia, kemej iTajtol Dios oso sayoj kemej se kuali amaix? [Xikonkaua maj tanankili.] Itech nejin amaix ika tajtoua nejon tein semi tikonuelitas”. Xikonnextili yekinika netajtanil, xikonixtajtolti yekinika párrafo uan xikontemo texto tein kijtoua maj se kiita. Oksepa xikonixtajtolti netajtanil uan xikonkaua maj tanankili. Xikonixejeko kanachi netajtanilmej uelis tikonitas iuan taltikpaknenkej uan xiktojtokatiyakan tapoualmej tein kipia. Achto ke tionyas, xikonnexti okse netajtanil uan xikonijto kemanian nankisentokaskej nankiitaskej. Xikonkalpano itech sejse semana uan xikonita iuan taltikpaknenkej tepitsin tein kiualkui tamachtilis hasta keman tikonuikilis okse yankuik revista. Oso no uelis tikonyoleuas maj kiseli se nemachtil ika Biblia. Keman tikonchiuas nejon, xikonkui tamachtilis tein kiualkui revista uan xikonnextili keniuj titamachtiaj.
4. ¿Keniuj uelis tikuiskej nejon tamachtilis keman oksepa titakalpanoskej?
4 No uelis tikonkuis nejon taman tein yankuik imiuan akin tikonkauilia sejse metsti revistas oso akin oksepa tikonkalpanos. Uelis sayoj tikonijtos: “Nejin amaix La Atalaya kiualkui se taman tein yankuik. Nikuelitaskia nimitsonnextilis keniuj uelis se kitekitiltis”. Tiktataujtiaj Jiova maj okachi taltikpakneminij kinpaleui nejin taman tein yankuik maj ‘kajsikamatikan in melauak Tajtoltsin de Dios’ (1 Tim. 2:4).