Maj okachi kuali titanojnotsakan: xikonnexti keniuj tiktemakaj se nemachtil ika amaix Tamachtia Biblia
Keyej motelneki. Miakej taltikpakneminij amo kiajsikamatij toni tikijtosnekij keman tikiniluiaj maj kiselikan se nemachtil ika Biblia tein amo moixtaua. Xa uelis kinemiliskej ke moneki yaskej itech se kaltamachtiloyan oso mochiuaskej itaixpantijkauan Jiova. Yejua ika, motelneki maj amo sayoj tikinyoleuakan maj momachtikan Biblia, ta maj tikinnextilikan keniuj mochiua. Itech seki minutos uan itech ikaltenoj uelis tikinnextiliskej ke amo ouij se momachtis Biblia, uan ke semi techpaleuis.
Xikonchiua nejin itech metsti:
Xikontataujti Jiova maj mitsonpaleui xikonpeualti se nemachtil ika Biblia (Filip. 2:13).
Keman tiontanojnotsas, xikontemo tikonnextis maski sayoj sepa keniuj tiktemakaj se nemachtil ika amaix Tamachtia Biblia oso tikonnextis video ¿Keniuj mochiua se nemachtil ika Biblia?