¿Tikonnextia itech yekinika takalpanolis keniuj titamachtiaj ika Biblia?
Keman titayoleuaj maj kiselikan se nemachtil ika Biblia, sekin kijtouaj ke amo kinekij oso techiluiaj ke momachtijtokejya itech imin taneltokalis. Kemej yejuan kinemiliaj ke nemachtil ika Biblia tein tejuan titemakaj, no ijkon kemej tein yejuan kinnextiliaj, nion tepitsin monemiliaj ke miak taman uelis kiajsikamatiskej uan semi kinyolpaktis. Yejika, maj amo sayoj titayoleuakan maj kiselikan se nemachtil, ta itech se ome eyi minuto maj tiknextikan itech yekinika takalpanolis keniuj titamachtiaj. Kemej se takualchiujkej, ¿katiyejua okachi kuali kisas, maj sayoj kijto ke kuali takualchiua uan maj motenkaua ke satepan kiualkuis itapalol oso maj niman kinyekolti tepitsin? Nikan tikijtotij se taman keniuj uelis tikchiuaskej itech se ome eyi minuto, ijkon kemej ixnesi itech página 6 amaix Nuestro Ministerio del Reino enero de 2006:
“¿Tikonnemilia ke se tonal mochiuas nejin tajtolmej? [Xikonixtajtolti Isaías 33:24, uan xikonkaua maj tanankili.] Nikan moajsi seki tajtolmej tein semi tikonuelitas.” Xikonmaka amaix Tamachtia Biblia, uan xikonnextili párrafo 22 itech página 36. Xikonixtajtolti netajtanil tein nesi tatsintan uan xikonilui maj kitemo tanankilil keman tikonixtajtoltis párrafo. Ompa, oksepa xikonchiuili netajtanil uan xikonkaki itanankilil. Xiksenitakan okse texto tein ompa ixnesi. Xikonchiuili se netajtanil tein nankinankiliskej keman oksepa tikonkalpanos, uan xikonilui kemanian tionmokuepas. ¡Tikonpeualtijya se nemachtil ika Biblia!