Keniuj tipeuaskej titajtoskej

Tanejmachtijkej Enero-febrero

“Miakej tetatmej kinekij maj ininkoneuan kimatikan akoni Dios uan maj kitasojtakan. ¿Toni tikonnemilia ke okachi kuali: maj tetatmej kinmachtikan akoni Dios oso ininselti maj kitemokan?” Xikonkaua maj tanankili. Xikonnextili tamachtilis tein moajsi itamiampa amaix Tanejmachtijkej enero-febrero, xiksenitakan tamachtilis tein kiualkui itech yekinika netajtanil uan xikonixtajtoltili maski sayoj se texto. Xikonkauili amaixmej uan xionmotenkaua iuan kemanian uelis tikonsentokas iuan tiontajtos ika nejon.

¡Despertad! Febrero

“Tikinkalpanojtokej akin nikauin nemij porin tiknekij tikinnextiliskej amaix ¡Despertad! tein yankuixtok kisak. Kinankilia se netajtanil tein nochin tiknekij tikmatiskej itanankilil. [Xikonnextili ipeujyan amaix.] Nikuelitaskia nikmatis keniuj tikonita nejin tayolmajxitilis tein moajsi itech Biblia. [Xikonixtajtolti Proverbios 29:11.] ¿Tikonnemilia ke tein kijtoua Biblia uelis techpaleuis? [Xikonkaua maj tanankili.] Nejin amaix ika tajtoua naui tamachtilismej tein kiualkui Biblia uan kimelaua keniuj techpaleuia komo tikintakamatij.”

Tanojnotsmej tein ualeuaj itech Biblia

“Nochin tiknekij maj tokoneuan yolpakikan uan kuali moojtokaltikan keman moskaltiskej. ¿Keniuj uelis tikinpaleuiskej tokoneuan maj kuali moojtokaltikan? [Xikonkaua maj tanankili.] Nikneki nimitsonnextilis tein kijtoua Biblia. [Xikonixtajtolti Salmo 1: 1-3.] Nejua nikitani ke Biblia techpaleuia maj tiyolpakikan uan maj kuali timoojtokaltikan. Nejin amaix tein itokay Tanojnotsmej tein ualeuaj itech Biblia, kinpaleuia konemej maj motokikan iuan Dios. Nimitsonkauilia nejin amaix tejuatsin uan mokoneuan.”