Maj timoyolchikauakan se iuan okse tikchiuaskej tachiualismej tein kuali ika miak yolpakilis

Hebreos 10:24 kijtoua: “Ma tiktemolijtiyakan de keniu timopaleuijtiyaske se uan okse uan de keniu timotasojtatiyaske se uan okse uan de keniu tikchiutiyaske in kuali tachiualisme”. Uelis tikinyolchikauaskej oksekin ika tein tikchiuaj uan ika tajtolmej tein ika tiknextiaj ke titakuaujtamatij. Yejua ika, komo tikpanokej tein kuali itech tanojnotsalis, maj tikintapouikan oksekin. Komo techyolpaktia tiktekitiliskej Jiova, maj tikchiuakan maj kiitakan oksekin. Sayoj ke maj amo tiktamachiuakan tein kichiuaj ika tein tejuan tikchiuaj nion iniuan oksekin (Gál. 6:4). Maj tiktemokan tikinyolchikauaskej oksekin maj kinextikan netasojtalis ‘uan de keniu kichiutiyaske in kuali tachiualisme’, amo porin tiknekij maj amo kuali momachilikan uan ijkon maj kichiuakan tein kuali (xikonita Benefíciese, página 158, párrafo 4). Komo tikinpaleuiaj maj kinextikan netasojtalis, momatiskej nochipa kichiuaskej tein kuali, kemej kinpaleuiskej oksekin ika tein kipiaj oso keman tanojnotsaskej (2 Cor. 1:24).