Maj okachi kuali titanojnotsakan: xikonpaleui akin kiixtajtoltiaj toamaixuan maj kinekikan kimatiskej okachi

Keyej motelneki. Miakej taltikpakneminij kinpaktia toamaixuan sayoj ke amo kinekij touan momachtiskej Biblia, xa porin kuali moajsij itech inintaneltokalis oso porin amo kemantij. Sayoj ke, kemej miakpa kiixtajtoltiaj toamaixuan uelis kinpaleuis maj okachi kipatiuitakan iTajtol Dios (1 Ped. 2:2). Xa se tamachtilis ajsis itech ininyolo, oso mopatas seki taman itech ininnemilis. Ijkon kemej miakpa tikinkalpanoskej uan amo semi tiuejkauaskej, kichiuas maj tikmatikan toni kiuelitaj uan toni kintekipachoua, uan no yejuan okachi touan takuaujtamatiskej. Ijkon kemej panoskej tonalmej, xa uelis tikpeualtiskej se nemachtil ika Biblia.