Moneki achto timomachtiskej uan ijkon kuali titamachtiskej

Keman ome takamej kitajtanijkej Jesús se taman tein mouikaya iuan nemilis nochipaya, yejua sejse kinnankilij kemej kinpaleuiskia (Luc. 10:25-28; 18:18-20). No ijkon tejuan, maski kuali tikixmatiskejya tamachtilis tein tikitatij iuan aksa, achto ke tikalpanotiuij moneki timomachtiskej kemej kipaleuis momachtijkej. ¿Toni tanemililmej kiouijmaka kiajsikamatis oso kineltokas? ¿Katiyejua tajkuilolmej tein ixnesij itech párrafo monekiskia tikixtajtoltiskej keman timomachtijtoskej? ¿Kanachi párrafos uelis timomachtiskej? Xa monekis maj titanemilikan itech se neskayot, keniuj tikmelauiliskej se taman oso itech seki netajtanilmej tein kipaleuis momachtijkej maj kiajsikamati tamachtilis. Sayoj ke, maj tikelnamikikan ke Jiova kichiua maj moskalti itech iyolo taltikpaknenkej tamachtilis tein melauak tein moneskayotia kemej xinach. Yejua ika, moneki maj tiktajtanikan yejuatsin maj kitiochiua momachtijkej, ijkon kemej ijkuak timomachtiskej achto ke tikalpanotiuij uan chikaujkayot tein tikchiuaskej keman tikpaleuiskej maj kuali mouika iuan Dios (1 Cor. 3:6; Sant. 1:5).