Xionyolpaki tikonteixmatiltis kuali tanauatilmej

¿Kemansa mitsonouijmaka tiontanojnotsatiuj? Komo ijkon, amo sayoj tejuatsin; timiakej no ijkon techpanoua. Xa porin miakpa amo kinekij techkakiskej, techtauelnankiliaj oso xa techouijmaka titajtoskej iniuan akin amo tikinixmatij. Nejon kichiua maj amo tiyolpakikan itech tanojnotsalis, sayoj ke tikueyichiuaj Dios akin yolpaki, uan yejuatsin kineki maj tiktekitilikan ika yolpakilis (Sl 100:2; 1Ti 1:11, TNM). Yejua ika, ¿toni eyi taman techpaleuia maj tiyolpakikan itech tanojnotsalis?

Yekinika porin tikteixmatiltiaj ke satepan mochiuas tein kuali. Maski miakej amo kichiaj nejon, uelis tikinpaleuiskej maj yolpakikan keman tikinmatiltiaj “kuali tanauatilmej” (Isa 52:7). Uan no, kuali tanauatilmej ika iTekiuajyo Dios no uelis senkis techyolpaktis. Achto ke tiontanojnotsatiuj, xiontanemili itech tatiochiualismej tein iTekiuajyo Dios kiualkuis nikan taltikpak.

Ojpatika porin tein tikteixmatiltiaj kinpaleuia taltikpakneminij maj paktokan uan maj kuali mouikakan iuan Dios, porin kikauaj miak taman tein kinijtakoua uan uelis nemiskej nochipaya (Isa 48:17, 18; Ro 1:16). Uelis titanemiliskej ke titekitij kemej akin kinmakixtiaj taltikpakneminij keman mochiua se tetsauit, uan maski moajsij akin amo kinekij maj kinmakixtikan, tiksentokaskej tikintemoskej akin kemaj kinekij momakixtiskej (Mt 10:11-14).

Uan expatika tein okachi moneki yejua ke ika tikueyitaliaj Jiova. Yejuatsin semi kipatiuita nejon tekit (Isa 43:10; Heb 6:10). Uan ika miak pakilis techmaka iyektikatsin espíritu tein ika techpaleuia. Yejua ika, maj tiktataujtikan Jiova maj techmaka yolpakilis, se kualneskayot tein kitemaka iespíritu (Gál 5:22). Ika inepaleuil Jiova uelis titanojnotsaskej ika yolchikaualis (Hch 4:31). Ijkon, maski tataman kemej tanankiliskej kampa titanojnotsaj, tiyolpakiskej porin titapaleuiaj itech nejon tekit (Eze 3:3).

SATEPAN KE MOITAS VIDEO KENIUJ OKSEPA NIYOLPAKIK NIKTEKITILIS JIOVA, XIKONNANKILI NEJIN NETAJTANILMEJ:

• ¿Keyej moneki tiktayekanaltiskej kuali timomachtiskej Biblia uan amaixmej maski titanojnotsaskej miak horas itech metsti?

• ¿Keniuj uelis tikchiuaskej kemej María?

• ¿Kemanian tiontanemilia itech iTajtol Dios?

• ¿Toni okachi mitsonyolpaktia keman tikonteixmatiltia kuali tanauatilmej?