Xikixtopeua tein uelis mitsijtakos itech redes sociales

KEYEJ MOTELNEKI. Ijkon kemej panoua ika okseki taman, redes sociales uelis techpaleuis oso techijtakos. Sekin akin kichiuaj kemej Cristo kiixtalianij amo kikuiskej, uan oksekin kikuij porin ika monojnotsaj iniuan ininchankauan uan inintasojikniuan. Sayoj ke, Satanás kineki maj amo kuali tiktekitiltikan redes sociales porin ijkon amo kuali toka tajtoskej uan tikijtakoskej tokuali uikalis iuan Jiova. Sayoj ke, tein Biblia tayolmajxitia techpaleuia maj tikitakan tein uelis techijtakos uan maj tikixtopeuakan ijkon kemej kichiuak Jesús (Lu 4:4, 8, 12).

KEMEJ TECHIJTAKOUA

• Se kikuis miak tiempo. Se kikuitos redes sociales uan Internet miak horas uelis techkuilis tiempo tein tikuij itech itekiyo Dios.

  Tein Biblia tayolmajxitia: (Ef 5:15, 16; Flp 1:10, TNM)

• Se kiitas tein teijtakoua. Se kiitas taixkopimej tein amo monekij uelis kichiuas maj se kitelneki se kiitas auilnemilis oso maj tiauilnemikan. Se kiixtajtoltis tein kijkuilouaj akin kikaujkej uan kiixnamikij tamachtilis tein melauak kijtakoua totakuaujtamatilis.

  Tein Biblia tayolmajxitia: (Mt 5:28; Flp 4:8)

• Se kijkuilos oso se kitejkoltis taixkopimej tein amo monekij. Kemej se iyolo tekajkayaua, aksa uelis kinekis kijkuilos oso kitejkoltis taixkopimej tein amo monekij itech redes sociales. Sayoj ke nejon uelis kichiuas maj amo kuali ininka tajtokan oksekin oso kijtakos inintakuaujtamatilis.

  Tein Biblia tayolmajxitia: (Ro 14:13; Ef 4:29)

SATEPAN KE MOITAS VIDEO KEMAN TIKUIS REDES SOCIALES, XIKUI IKA TAMATILIS, XIKITA KENIUJ UELIS TIKIXTOPEUAS NEJIN: