Se akin kiita keniuj se paktos tanejmachtij keniuj kinijtakojtok telpochmej uan ichpochmej redes sociales | ¿Toni kijtoua Biblia?

Itech 23 de mayo de 2023, ompa Estados Unidos, akin kinixyekana akin kiitaj keniuj se paktos tanejmachtij keniuj kinijtakojtok telpochmej uan ichpochmej redes sociales.

“Maski redes sociales uelis kinpaleuis konemej uan telpochmej, no moajsini ke semi kichiua maj motayokoltikan uan maj amo kuali yetokan” (Social Media and Youth Mental Health: The U.S. Surgeon General’s Advisory [Las redes sociales y la salud mental de los jóvenes: Informe del director general de Salud Pública de Estados Unidos], 2023).

Kijtojkej keniuj semi kinijtakoua:

Miakej telpochmej uan ichpochmej akin kipiaj 12 hasta 15 xiujmej “akin kikuij redes sociales panoua eyi hora itech se tonal, kinuika maj kipiakan depresión uan maj motayokoltikan”.
Keman telpochmej uan ichpochmej akin kipiaj 14 xiujmej “semi kikuij redes sociales, kichiua maj amo ueli yekkochikan, maj kinchiualtikan seki taman tein amo kinamiki itech internet, kimachiliaj ke amo kuali moitaj, momachiliaj ke amo teyi chiuanimej uan kinkui depresión, okachiok ichpochmej”.

¿Keniuj tetatmej uelis kinpaleuiskej ininkoneuan maj amo kinpano nejon? Tein Biblia tayolmajxitia semi tapaleuia.

Tein uelis kichiuaskej tetatmej

Amo xikonsenkaua konemej. Xikonnemili keniuj uelis kinijtakos mokoneuan komo kikuij redes sociales uan xikonixejeko ox monekiskia kikuiskej oso amo.

Tein Biblia tayolmajxitia: “Xikmachti okichpil itech ojti kampa moneki yas” (Proverbios 22:6).
Komo tikonneki tikonmatis okachi, xikonlero tamachtilis “¿Deberían mis hijos usar redes sociales?”.

Komo tikonkauilia mokonetsin maj kikui redes sociales, xikonita maj amo moijtako uan xikonmati toni kichiua itech internet. ¿Keniuj?

Xikonita keniuj amo moijtakos mokonetsin. Xikonnejmachti toni uelis kiajsis ompa tein uelis kijtakos uan xikonnextili keniuj kiixnamikis.

Tein Biblia tayolmajxitia: “Nion tepitsin ika xitajtokan auilnemilis, tein yeski taman tein pitsotik [...]. Amo no xikchiuakan tein tepinaujtij nion xieliuistajtokan nion xikamanalokan ika tein pitsotik” (Efesios 5:3, 4).
Semi mitsonpaleuis tein kimelaua tamachtilis “Enséñele a su hijo adolescente a usar con seguridad las redes sociales”.

Xikonixtali keniuj kikuis. Uelis tikoniluis mokonetsin kemanian uan kanachi tiempo uelis kikuis redes sociales.

Tein Biblia tayolmajxitia: “Semi ximoyekpiakan para amo nanentinemiskej kemej akin amo kuatamatij, ta kemej akin tamattokej, kuali xikuikan namotiempo” (Efesios 5:15, 16).
Ika video “Pizarra animada” Keman tikuis redes sociales, xikui ika tamatilis uelis tikonpaleuis mokonetsin maj kiajsikamati keyej kuali kiitas keniuj kikuis redes sociales.