¿Tikitaj ikualneskayouan Dios itech itachijchiualis?

Keman tikitaj se kualtsin xochit, keman tasitalaj oso keman at motalojtok, ¿itech titanemiliaj akin tachijchiuak? Itech tachijchiualis ueli tikitaj ikualneskayouan Jiova (Ro 1:20). Komo itech titanemiliaj tein tikitaj, tikajsikamatiskej ke yejuatsin kipia chikaualis, tetasojta, tamatkej, melauak uan semi kualtakat (Sl 104:24).

¿Toni taman tein Jiova kichijchiuak tikonita mojmostaj? Maski tionnemis itech se ueyi xolal, uelis tikonitas totomej oso koujmej. Tikitaskej tein Dios kichijchiuak uelis techpaleuis maj tiyolseujtokan, maj amo semi timotekipachokan uan maj okachi titakuaujtamatikan ke yejuatsin nochipa techyekpias (Mt 6:25-32). Komo tikonpia konemej, xikonpaleui maj kiitakan ikualneskayouan Jiova. Keman okachi tiktasojkamatiliaj Jiova nochi tein kichijchiuak, okachi iuan timotokiaj (Sl 8:3, 4).

SATEPAN KE MOITAS VIDEO KUALTSIN TACHIJCHIUALIS KIUEYITALIA DIOS: TANEX UAN TAPALMEJ, XIKONNANKILI NEJIN NETAJTANILMEJ:

• ¿Keyej tikitaj tataman tapalmej?

• ¿Keyej seki taman mimilikaj?

• ¿Keyej mopata kemej nesi iluikak?

• ¿Katiyejua kualtsitsin tapalmej tikonitani kampa tionnemi?

• ¿Keyej moneki tikitaskej ika nejmachkayot iTachijchiualis Dios?