TONEMILIS KEMEJ ITATOJTOKAKAUAN CRISTO
Maj tiksentokakan tikchixtokan
¿Uejkaujya tikonchixtok iTekiuajyo Dios? ¿Tikonsentoka tikonchixtok maski tikonpanoua ouijkayomej? (Ro 8:25.) Seki tokniuan kintauelitaj, kintajyouiltiaj, kintsakuaj oso hasta kiniluianij ke kinmiktiskej. Oksekin kipiaj se kokolis tein amo kipia pajti oso xiuejkejya.
¿Toni techpaleuis maj titaxikokan maski tikpanouaj ouijkayomej? Moneki mojmostaj tikixtajtoltiskej Biblia uan itech titanemiliskej. Moneki tikelnamikiskej tein tikchiaj tikseliskej. Nejon kichikauas totakuaujtamatilis (2Co 4:16-18; Heb 12:2, TNM). No moneki tiktajtaniskej Jiova maj techpaleui maj titaxikokan ika iyektikatsin espíritu (Lu 11:10, 13; Heb 5:7). ToTajtsin akin techtasojta techpaleuis maj titaxikokan uan maj tiksentokakan tiyolpaktokan (Col 1:11).
SATEPAN KE MOITAS VIDEO MONEKI TIMOTALOSKEJ IKA TAXIKOLIS: MAJ TITAKUAUJTAMATIKAN KE TIKTANISKEJ NETETAYOKOLIL, XIKONNANKILI NEJIN NETAJTANILMEJ:
¿Toni tein amo tikchiaj uelis techpanos? (Ec 9:11.)
¿Keniuj techpaleuia tiktataujtiskej Dios keman tikpanouaj ouijkayomej?
Komo amo ueli tiktekitiliaj Jiova kemej achto, ¿keyej moneki titanemiliskej itech tein ueli tikchiuaj?
Xikonelnamiki tein tikonselis satepan.
¿Toni mitsonpaleuia xikonsentoka xiontakuaujtamati ke tikonselis netetayokolil?