“Xitanemilijtinemikan ika sayo nijin chipauke uelilisme”

¿Toni moneki itech titanemiliskej? Filipenses 4:8 kijtoua ke moneki titanemiliskej itech tein melauak, tein moneki, tein kuali, tein chipauak, tein tepaleuia maj se kinexti netasojtalis, teisa tein kuali ika motajtoua, tein tepaleuia maj se kichiua kuali tachiualismej uan okseki taman tein kuali. Nejon amo kijtosneki ke nochipa moneki itech titanemilijtoskej tein kijtoua Biblia. Sayoj ke, kemaj moneki itech titanemiliskej tein kiyolpaktia Jiova uan amo tein techuikas maj tikauakan (Sl 19:14).

Ouij techkisa amo tikpiaskej amo kuali tanemililmej, porin titajtakouanij uan porin Satanás “tayekantinemi nikan taltikpak” (2Co 4:4). Kemej yejua kiixyekana tein moajsi itech televisión, radio, Internet uan amaixmej, tel miak taman kiixnamiki itanauatiluan Jiova. Yejua ika, moneki kuali tikixpejpenaskej tein tiknekij tikpiaskej itech totanemilil, porin nejon uelis kichiuas maj tiknemilikan seki taman uan satepan maj tikchiuakan (Snt 1:14, 15).

SATEPAN KE MOITAS VIDEO MAJ TIKIXTOPEUAKAN TEIN TECHUIKAS MAJ TIKAUAKAN DIOS: NEIXPETANILIS TEIN AMO KUALI, XIKONCHIUA NEJIN NETAJTANILMEJ:

• 

  ¿Toni kiitaya tokniuj itech iteléfono, uan keniuj kijtakoj?

• 

  ¿Keniuj kipaleuij Gálatas 6:7, 8 uan Salmo 119:37?