¿Toni techmachtiaj nekuikatilmej?

¿Katiyejua nekuikatilmej tein moajsij itech JW Broadcasting^® okachi tikonuelita? ¿Keyej tikonuelita? ¿Tikonnemilia ke yekmelauj techpanoua kemej nesi itech videos ika tatsotson? Kemej onkak miak taman tein ika motajtoua itech videos uan no mokaki tataman tatsotson, xa semej tikuelitaj. Sayoj ke, nekuikatilmej uan videos amo chijchiujtokej kemej sayoj ika timoixpetaniskej.

Nochi nekuikatilmej techmachtiaj miak taman kemej timoojtokaltiskej uan titanojnotsaskej. Itech seki nekuikatilmej ika motajtoua maj tikualtakamej, maj amo tixexeliujtokan, maj timouikakan iniuan oksekin, maj tiknextikan yolchikaualis, maj titetasojtakan uan maj titakuaujtamatikan. No ika motajtoua ke moneki timokepaskej iuan Jiova, tiktakamatiskej mojmostaj, okachi tiktekitiliskej uan titetapojpoluiskej. Hasta ika motajtoua ke moneki tikuiskej celular ika taixejekol. ¿Toni mitsonmachtianij nejon nekuikatilmej?

SATEPAN KE MOITAS VIDEO IKA TATSOTSON AMO UEJKAUA MOCHIUAS, XIKONNANKILI NEJIN NETAJTANILMEJ:

• ¿Toni itech tanemiliayaj tokniuan akin xiuejkejya? (Gé 12:3.)

• ¿Toni techpaleuis maj okachi titakuaujtamatikan ke Jiova kichiuas nochi tein kijtoj?

• ¿Akonimej oksepa tikinitaskej?

• ¿Keniuj techpaleuia tein kichiuas iTekiuajyo Dios maj tikxikokan tein yeski ouijkayot tein axkan tikpanouaj? (Ro 8:25.)