¿Tikonmattokya toni tikonchiuas?

Komo mochiuaskia se tetsauit kampa tionnemi, ¿tikonmattokya toni tikonchiuas? Kemansa uelis niman talolinis, kiouaejekas, motatikuiltis koujtaj oso moskaltis at, uan semi tauejuelos. Uan no, sekin uelis niman tamijmiktiskej, tateuiskej oso miakej uelis niman kokolispeuaskej (Ec 9:11). Maj amo tiknemilikan ke nejon amo keman techpanos.

Tinochin moneki tikchiuaskej tein tiueliskej tein techpaleuis keman mochiuas se tetsauit (Pr 22:3). Maski itech inechikol Jiova no techpaleuiaj keman mochiua se tetsauit, tejuan no moneki tikchiuaskej seki taman tein ika timoyekpiaskej (Gál 6:5, TNM).

SATEPAN KE MOITAS VIDEO ¿TONI MONEKI TIKCHIUASKEJ ACHTO KE MOCHIUAS SE TETSAUIT?, XIKONNANKILI NEJIN NETAJTANILMEJ:

• 

  ¿Keniuj techpaleuia kuali timouikaskej iuan Jiova keman mochiua se tetsauit?

• 

  ¿Keyej moneki...

  • • ... tikinnojnotsaskej tayekananij achto ke mochiuas se tetsauit, keman mochiujtos uan satepan ke mochiuak?

  • • ... tikyektaliskej tein moneki achto ke mochiuas se tetsauit? (g17.5-S pág. 6.)

  • • ... ika se tajtos tetsaujmej tein uelis mochiuaskej uan tein ijkuak uelis se kichiuas?

• 

  ¿Ika toni eyi taman uelis tikinpaleuiskej oksekin keman mochiua se tetsauit kampa nemij?