¿Tikonmatiya toni tikonchiuas komo taltikpakneminij peua takuejmolchiuaj?

Kemej amo uejkaua tamis tein amo kuali, taltikpakneminij okachi takuejmolchiuaskej, okachi temiktiskej uan okachi onkas neteuilis (Ap 6:4). ¿Toni techpaleuis maj tikmatikan toni uelis tikchiuaskej?

• Xikonchiua tein mitsonpaleuis amo xikonkaua Jiova. Itech xiontanemili seki taman tein Biblia tayolmajxitia uan tein kinpanok seki itekitikauan Dios ne uejkauj, tein kichiuas okachi xiontakuaujtamati iuan Jiova uan itech inechikol, uan tein mitsonpaleuis amo xionmokalaki itech tein mochiua nikan taltikpak (Pr 12:5; jr-S 125, 126 § 23, 24). Axkan xikontemo tikonpias kuali tasojiknimej itech nechikol (1Pe 4:7, 8).

• Xikonchiua tein mitsonpaleuis kuali xionyeto. Xikoneua takual tein mitsonajsis seki tonalmej. Uan xikonnemili toni tikonchiuas komo moneki tionmokauas seki tonalmej mochan oso toni uelis tikonchiuas komo moneki tionkisas. Xikonita toni kipia mochila tein niman tikonkuiteuas uan amo xikonelkaua tikoneuas tomin uan tein uelis tikonkuis, kemej guantes, cubrebocas oso okseki taman. Xikonpia ininnúmero tokniuan tayekananij uan xikonita maj yejuan no kipiakan monúmero tein ika uelis mitsonnotsaskej (Is 32:2; g17-S 5 3-7).

Keman taltikpakneminij takuejmolchiujtoskej. Xikonsentoka xikonueyichiua Jiova. Yejua ika, xionmotataujti, xionmomachti uan xionyoui nechikolmej (Flp 1:10). Amo xionyoui kansaika komo amo moneki (Mt 10:16). Xikonpaleui oksekin ika tein tikonpia (Ro 12:13).

SATEPAN KE TIKONITAS VIDEO ¿TIKONMATIYA TONI TIKONCHIUAS KEMAN PANOS TEISA TEIN AMO TIKONCHIA?, XIKONNANKILI NEJIN NETAJTANILMEJ:

• ¿Keniuj uelis techpaleuis Jiova keman panos se taman tein amo tikchiaj?

• ¿Toni uelis tikchiuaskej achto tein techpaleuis keman mochiuas se taman kemej nejon?

• ¿Keniuj uelis tikinpaleuiskej oksekin?