TONEMILIS KEMEJ ITATOJTOKAKAUAN CRISTO

¿Tikonmati toni tikonchiuas keman tatasojtis?

¿Keyej amo tikmojkaitaj maj noyampa taltikpak nochipa tatasojti? Porin tinemij itech tonalmej keman tatamitiya, uan Biblia technejmachtia: ‘Maj amo titakuaujtamatikan itech tomin tein tami’ (1Ti 6:17; 2Ti 3:1). ¿Keniuj techpaleuia tein kichiuak tekiuaj Jehosafat maj tikmatikan toni tikchiuaskej keman tatasojtis?

Keman akin kiixnamikiaj Jehosafat yajkej kiteuitoj, yejua iuan takuaujtamatik Jehová (2Cr 20:9-12). Uan kiixtalijkaya keniuj kinyekpias akin nemiaj itech xolal: kiyekchijchiuak tepamit uan kintalij tateuianij (2Cr 17:1, 2, 12, 13). Tejuan no moneki titakuaujtamatiskej iuan Jehová uan tikchiuaskej tein techpaleuis keman tikpiaskej ouijkayomej.

¿TONI UELIS TIKCHIUJTOSKEJ TEIN TECHPALEUIS KEMAN TATASOJTIS?

Okachi kuali xionmouika iuan Jehová. Xionmotasojkamati ika tein tikonpia uan xiontakuaujtamati ke Jehová mitsonmakas tein mitsonpolos mojmostaj (Mt 6:26; 1Ti 6:8). Xikonixtali amo tikontapanauilis tein Biblia tayolmajxitia keman tikontemos tikonpias tein mitsonpolos (Ro 2:21). Xikonixtali toni tikonchiuas para tikonpias tamachtilis keman amo onkas luz oso internet. Xa uelis tikonpias seki amaixmej, uan komo ueli xikontemoui itech motableta oso mocelular seki tamachtilismej.

Xikonpia seki taman tein monekis. Xiontaxtaujtiuj tein tiontauika uan amo xikonkoua tein amo semi moneki (Pr 22:7). Komo ueli, xikoneua tein nankikuaskej uan okseki taman tein monekis. Miakej kiitanij ke tapaleuia komo tatokaj para amo kikoujtoskej tein kikuaskej.

SATEPAN KE MOITAS VIDEO ¿TIKONMATIYA TONI TIKONCHIUAS KEMAN PANOS TEISA TEIN AMO TIKONCHIA?, XIKONNANKILI NEJIN NETAJTANILMEJ:

Taixkopin tein nesi itech video “¿Tikonmatiya toni tikonchiuas keman panos teisa tein amo tikonchia?”. Kampa moita se Biblia, mochila tein niman se kikuiteua, se celular, seki tekitinij kichijchiujtokej se kali.

¿Toni uelis tikonchiuas achto ke panos tein amo tikonchia?

Tein tikonijkuilos

Taixkopin tein nesi itech video “¿Tikonmatiya toni tikonchiuas keman panos teisa tein amo tikonchia?”. Moitaj tokniuan tapaleuijtokej kampa panok se tetsauit. Sekin kichijchiujtokej se kali uan oksekin kitemouijtokej seki cajas itech tepos.

¿Toni uelis tikonchiuas para tikonpaleuis oksekin?

Tein tikonijkuilos