Keniuj uelis tikuiskej taxelol “Keniuj uelis tipeuaskej titajtoskej”

Itech metsti enero xiuit 2018, peuak nesi taxelol “Keniuj uelis tipeuaskej titajtoskej” itech amaix Tein timomachtiaj itech nechikol Tonemilis uan toTanojnotsalis. ¿Keniuj moneki tikuiskej?

Keman tikpanoltiskej se tamachtilis: Moneki tikuiskej netajtanil, texto uan netajtanil tein monankilis okse tonal tein nesi itech nejon taxelol. Amo moneki senkis tikijtoskej nochi tein moijtoua itech videos. Uelis tikpataskej keniuj tikpanoltiskej tamachtilis, keniuj tipeuaskej titajtoskej oso keniuj tikmelauaskej tamachtilis. No uelis tiktemakaskej semej amaixmej tein moajsij itech nepaleuilmej tein ika titamachtiaj maski amo moijtos itech amaix.

Keman titanojnotsaskej: Nejin taxelol mochijchiuak kemej techpaleuis keniuj uelis titanojnotsaskej. Komo akin tiknojnotsaj kineki kimatis okachi, uelis tiksentokaskej tiknojnotsaskej uan hasta uelis tikuiskej tein nesi itech ojpatika takalpanolis. Uelis tikuiskej tein nesi itech nejon taxelol oso tikuiskej okse tamachtilis tein uelis techpaleuis. ¿Okachi techkakiskej kampa titanojnotsaj komo tikijtouaj tamachtilis tein nesik itech okse metsti oso uelis tikuiskej okse texto? ¿Yankuixtok panok se taman tein kinyolnotsa akin nemij kampa titanojnotsaj? Uelis tikuiskej nejin taxelol kemej okachi techpaleuis. Sayoj ke, moneki amo tikelkauaskej ke ‘nochi nejin tikchiujtinemij sayoj ika porin Tajtoltsin de Dios’ uan ijkon nochin ‘kiselijtiyaskej miak tataman tatiochiualis tein ualeujtok itech ne Tajtoltsin de Dios’ (1Co 9:22, 23).