Keniuj tikuiskej taxelol “Keniuj uelis tipeuaskej titajtoskej”

Taxelol “Keniuj uelis tipeuaskej titajtoskej”, semi kuali chijchiujtok uan miakej tokniuan kiitanij ke semi kinpaleuiani. Sayoj ke tataman akin tikinnojnotsaj. Yejua ika, tokniuan uelis kipataskej seki taman tein ompa moijtoua oso ika tajtoskej se taman tein ika kinekiskej kinkakiskej kampa tanojnotsaj. Sayoj ke, keman itech se metsti moixtalia se taman tein okachi ika titanojnotsaskej, amo moneki tikpataskej. Tiknekij tikteixmatiltiskej tein kichiuas iTekiuajyo Dios ijkon kemej tanauatij Jesús (Mt 24:14).

Keman se tokniuj kipanoltia se tamachtilis itech nechikol tein tikpiaj itajkotian semana, moneki kikuis tein moijtoua itech taxelol “Keniuj uelis tipeuaskej titajtoskej” tein kipia amaix Tein timomachtiaj itech nechikol. Sayoj ke komo ompa moijtoua, uelis se kipatas netajtanil, tajkuilol itech Biblia uan netajtanil tein monankilis okse tonal, ijkon kemej okachi kinpaleuis akin tikinnojnotsaj. Nejin kiixpata tein moijtojka itech amaix Tein timomachtiaj itech nechikol junio xiuit 2020, página 8.