MAJ OKACHI KUALI TITAMACHTIKAN
Maj okachi kuali titanojnotsakan: xionmomachti keniuj uelis tikontemakas revistas
KEYEJ MOTELNEKI: Maski ixneskayomej tein ijkuiliujtokej itech amaix Tein timomachtiaj itech nechikol, keniuj uelis tiktemakaskej amaixmej semi tapaleuiaj, nejon sayoj tanemililmej. Uelis tikonijtos ika motajtoluan. Xa taman kemej tikonnekis tikontemakas amaix, oso hasta tikontemakas okse tein okachi kinyolnotsas akin nemij kampa tiontanojnotsa. Komo ijkon, yekinika xikonixtajtolti amaix, xikonita ixneskayomej tein ika motemakaj uan videos; ompa xikonijkuilo keniuj uelis tikontemakas amaixmej ijkon kemej tikitatij.
KENIUJ TIKCHIUASKEJ:
¿Tikonkuis semej ixneskayomej tein ika tiktemakaj amaixmej?
KEMAJ
Xikonnemili tein yekinika tikonijtos keman tikontajpalos taltikpaknenkej uan xikonilui keyej tikonkalpanoua. (Neskayot: “Niualaj porin...”).
Xikonnemili tein tikonijtos tein tapaleuis xikonixtajtoltili texto satepan ke tikonchiuilis netajtanil uan satepan keman tikonixtajtoltis texto keniuj tikonmakas amaix. (Kemej neskayot, komo tikonixtajtoltis se tajkuilol, uelis tikonijtos: “Xikonita keniuj Biblia kimelaua nejin”).
AMO
Xikonixpejpena se tamachtilis tein kipiaj amaixmej tein tikonuelitas uan tein kinyolnotsas akin nemij kampa tiontanojnotsa.
Xikonnemili se netajtanil tein tapaleuis maj taltikpaknenkej kijto tein kinemilia, sayoj ke amo xikonchiua maj mopinaujti. (Neskayot: xikonkui netajtanil tein ixnesi itech revista itech página 2).
Xikonixpejpena se tajkuilol uan xikonixtajtolti. (Sayoj ke, keman tikontemakas ¡Despertad!, xikonixejeko ox tikonixtajtoltis se tajkuilol oso amo, porin amaix chijchiujtok kemej kinpaleuis akin amo semi kimatij tein kijtoua Biblia oso amo takuaujtamatij itech taneltokalis).
Xikonnemili se oso ome tajtolmej tein ika tikonmelauilis taltikpaknenkej keniuj uelis kipaleuis amaix komo kiixtajtoltia.
MASKI TEIN YESKI
Xikonixpejpena se netajtanil tein tikonnankilis keman oksepa tikonkalpanos.
Xikonijkuilo tein mitsonpaleuis tikonmatis toni tikonijtos keman oksepa tikonkalpanos.