Maj kuali tikinselikan akin tikinyoleujkej

Tonal 23 metsti marzo tikchiaj tikinseliskej kemej doce millones taltikpakneminij ijkuak tikelnamikiskej imikilis Jesús. Akin kitemakas tanojnots kimelauas ke Jiova techmakak se kualtsin netetayokolil keman kitemakak ikonetsin maj toka momikiliani uan keniuj tinochin uelis techpaleuis (Isa 11:6-9; 35:5, 6; 65:21-23; Jn 3:16). Sayoj ke, akin kitemakas tanojnots amo sayoj yejua kichiuas maj kuali ika motajto Jiova itech nejon tonal, tejuan no uelis tikchiuaskej komo kuali tikinseliaj akin tikinyoleujkej (Ro 15:7). Maj tikitakan keniuj uelis tikchiuaskej.

• Keman tiajsiskej maj amo timotalikan uan maj tikchiakan maj peua nechikol, ta maj tikinselikan akin yaskej uan akin amo touan mosentiliajok. Xionixuetska uan xikonnexti kualtakayot.

• Okachi xikonpaleui akin tikonyoleuak, sayoj ke no akin yas porin kiselij se amat tein ika titayoleujkej. Xikonyoleua maj mouan motali uan xikontaneujti moBiblia uan amaix tein ika timokuikatiaj.

• Satepan ke tamis nechikol, xikontajtani taltikpaknenkej ox kipia se netajtanil. Komo moneki niman nankisaskej porin okseki tokniuan mosentilitij, xionmotenkaua iuan kemanian nantajtoskej. Uelis tikoniluis: “Nikuelitaskia nikmatis keniuj tikonitak tamachtilis. ¿Keniuj uelis oksepa nitajtos mouan?”.