Maj okachi kuali titanojnotsakan: maj kuali timomachtikan tein ika peuas titajtoskej
Keyej motelneki. Komo tein ika peua titajtouaj amo semi kipaleuia akin tiknojnotsaj, xa amo kinekisok touan tajtos achto ke uelis tiknojnotsaskej ika Biblia. Yejua ika, miakej tanojnotsanij kijtouaj ke tajtolmej tein yekinika kikuij semi moneki. Maski itech amaix ITekiyo Dios tein Tikchiuaj uan Razonamiento kipiaj seki tajtolmej tein ika uelis tipeuaskej titajtoskej, amo senkis kiualkui nochi tein tikijtoskej, ijkon uelis se kiajxitilis tajtolmej tein monekis. Uan maski ajsitok kipiaskia, tanojnotsanij uelis kipataskej oso kikuiskej tein yejuan momachtijkej. Okachi kuali titanojnotsaskej komo achto kuali timomachtiaj tein yekinika tikijtoskej uan amo tiknemilijtiuetsiskej tein tikiluiskej akin techtatapolis (Prov. 15:28).
Xikonchiua nejin itech metsti:
Itech taueyichiualis kemej kalyetouanij xikonxelo tepitsin tiempo uan xikontemo seki tajtolmej tein ika peuas nantajtoskej itech tanojnotsalis uan ximomamachtikan.
Keman tiontanojnotsas iniuan okseki tokniuan xikonilui tajtolmej tein tikonnemilia tikonkuis (Prov. 27:17). Komo tikonita ke amo tapaleuia, xikonpata.