Maj okachi tikteixmatiltikan iTekiuajyo Dios itech metsti noviembre

Jesús kiteixmatiltij “kuali tanauatilmej ika iTekiuajyo Dios” uan tamachtij maj tajtaninij maj taixyekana nejon Tekiuajyot (Lu 4:43, TNM; Mt 6:9, 10, TNM). Itech metsti noviembre, okachi tikteixmatiltiskej iTekiuajyo Dios (Mt 24:14). Yejua ika, ¿keyej amo tikixtaliaj titapaleuiskej nochi tein tiueliskej? Akin mochiuaskej precursores auxiliares itech nejon metsti, uelis kichiuaskej 30 oso 50 horas.

Itech nejon metsti, okachi miakej xikonixtajtoltili texto tein ika tajtoua iTekiuajyo Dios. Keman tikonixpejpenas se texto xikonita tein kineltokaj akin nemij kampa ixyetok tiontanojnotsas. Komo kuali mitsonkaki akin tikonnojnotsa, xikonmaka amaix Tanejmachtijkej tapoual 2 xiuit 2020 (tein tiktemakaj itech tanojnotsalis). Uan no, niman oksepa xikonkalpano uan xikontemo tikonmachtis ika semej amaixmej tein moajsij itech nepaleuilmej tein ika titamachtiaj. Amo uejkaua, iTekiuajyo Dios kinixpolos nochin tekiuanij tein moajsij nikan taltikpak (Da 2:44; 1Co 15:24, 25). Yejua ika, ika nejin tekit tein mochiuas maj tiknextilikan Jiova ke amo keman tikauaj, uan no, ke tikpaleuiaj iTekiuajyo.