¡Nochin xikonilui ke amo uejkaua okachi kualtsin tinemiskej!

Itech metsti noviembre, okachi timochikauaskej tikiniluiskej nochin ke amo uejkaua okachi kualtsin tinemiskej (Sl 37:10, 11; Ap 21:3-5). Kuali yeskia maj tikixtalikan timochikauaskej titapaleuiskej itech tanojnotsalis tein mochiuas nejon metsti. Akin mochiuaskej precursores auxiliares uelis temakaskej 30 oso 50 horas.

Itech tanojnotsalis nejon metsti, xikonixtajtoltili nochin akin tionuelis se tajkuilol tein ika tajtoua tatiochiualismej tein onkas itech Xochital. Keman tikonixpejpenas tajkuilol tein tikonixtajtoltis, itech xiontanemili toni kinyolnotsa akin nemij kampa tiontanojnotsa. Komo se taltikpaknenkej kineki kimatis okachi, xikonmaka se amaix Tanejmachtijkej (tein tiktemakaj itech tanojnotsalis) tapoual 2 xiuit 2021. Niman xikontemo oksepa iuan tiontajtos uan xikontemo tikonpeualtis se nemachtil ika Biblia ika folleto Tiyolpakiskej nochipaya. ¡Semi techyolpaktia tikteixmatiltiskej se taman tein okachi kuali! (Is 52:7).

SATEPAN KE TIKONITAS NEKUIKATIL KUALTSIN TINEMISKEJ, XIKONNANKILI NEJIN NETAJTANILMEJ:

• ¿Toni tein semi kualtsin itech tanemilijtok siuapiltsin?

• ¿Toni tein mochiuas itech Xochital okachi tikonneki tikonitas?

• ¿Keyej komo itech tiontanemilia Xochital kichiuas okachi xiontapaleui itech tanojnotsalis tein mochiuas itech metsti noviembre? (Lu 6:45).