Maj okachi kuali titanojnotsakan: Xiontanojnotsa ika teléfono

KEYEJ MONEKI. Se tanojnotsas ika teléfono tapaleuia maj okachi se ‘tanojnotstinemi ika in yankuik Tajtoltsin’ (Hch 20:24).a Ueli tiknojnotsaj hasta akin amo ueli tikalpanouaj porin techtsakuilia seki taman.

KENIUJ TIKCHIUASKEJ

• 

  Kuali xionmomachti. Xikonixpejpena se tamachtilis tein kinpaleuis akin tikonnojnotsas, ompa, xikonijkuilo tein tikonneki tikonijtos. Uan no, uelis tionmomamachtis tein tikonijtos kemej amo tionuejkauas komo amo ueli mitsonnankiliaj uan teléfono mitsoniluia xikonijto keyej tiontanotsak. Semi tapaleuia xikonpia itech mesa tein tikonijkuiloj uan okseki taman tein mitsonpaleuis, kemej se tableta oso se celular tein kipia JW Library^® oso jw.org^®.

• 

  Amo xionmoui. Xiontajto kemej ipa tiontajtoua. Xionixuetska uan xikonnojnotsa kemej yeskia tikonitstoskia akin tikonnotsak. Amo xionmotsakuili komo amo moneki keman tiontajtos. No mitsonpaleuis xiontanojnotsa iniuan oksekin. Komo akin tikonnojnotsa mitsontajtania se taman, oksepa xikonijto maj kikaki akin iuan tiontanojnotsa, ijkon mitsonpaleuis uan kitemos tanankilil.

• 

  Xikonijto tein tapaleuis oksepa xikonnotsa. Komo kuali mitsonkakik akin tikonnotsak, xikonchiua se netajtanil tein tikonnankilis keman oksepa tikonnotsas. Uelis tikoniluis ke tikonneki tikonmakas se amaix uan uelis tikontitanilis itech icorreo, itech Internet oso tikonmakas keman tikonitas. No uelis tikontitanilis se video oso se tamachtilis keman tikontajkuilouilis oso uelis tikontitanilis itech icorreo. Komo ueli, xikonilui ke uelis kiajsis tamachtilismej itech Internet kampa timoteixmatiltiaj.