Maj okachi kuali titanojnotsakan: xikonchiua se netajtanil tein tikonnankilis keman oksepa tionmokepas

Keyej motelneki. Komo tikajsij aksa akin kineki kimatis okachi, tiknekij oksepa timokepaskej keman moajsis ikalijtik uan ijkon tikpaleuiskej maj kisentoka kikaki tein tamachtia Biblia (1 Cor. 3:6). Miakpa, moneki tikijtoskej tein tapaleuis, kemej tiktajtaniskej kemanian uelis timokepaskej achto ke timonauatiskej iuan. No tapaleuis maj tikchiuilikan se netajtanil tein uelis tiknankiliskej keman oksepa tikalpanoskej, ijkon taltikpaknenkej kichixtos itanankilil. Komo netajtanil monankilia itech amaix tein tikauilijkej, xa uelis okachi kiixtajtoltis. Tikijtoskej tein tapaleuis maj oksepa iuan titajtokan kichiuas maj amo techouijmaka timokepaskej, porin tikixpejpenkejya toni ika titajtoskej uan taltikpaknenkej kimatis toni ika timonojnotsaskej. Keman timokepaskej, uelis tikiluiskej ke tiknekij tiknankiliskej netajtanil tein achto tikchiujkej uan tiksentokaskej iuan titajtoskej.