Maj okachi kuali titanojnotsakan: xikonijto tein mitsonpaleuis oksepa xiontakalpano

KEYEJ MOTELNEKI:

Tiknekij timokepaskej uan tiksentokaskej tikpaleuiskej taltikpaknenkej maj kiixmati tein tamachtia Biblia (1Co 3:6). Komo tikajsij aksa akin kineki kimatis okachi ika iTajtol Dios, maj tikchiuakan se netajtanil tein uelis tiknankiliskej keman oksepa tikalpanoskej. Nejon kichiuas maj taltikpaknenkej kichia tanankilil uan techpaleuis maj amo techouijmaka timomachtiskej achto ke oksepa tikalpanoskej. Ijkuak uelis tikiluiskej ke oksepa tikalpanotoj porin tiknekij tiknankiliskej netajtanil tein tikchiujkej keman yekinika iuan titajtojkej.

KENIUJ TIKCHIUASKEJ:

• Keman tionmomachtis tein ika tiontajtos ijkuak tionyas kajkalpan, xikonnemili toni netajtanil tikonchiuas tein tikonnankilis keman oksepa tionmokepas. Uelis tikonixpejpenas se netajtanil tein ixnesi itech amaix tein tikontemakas. No uelis tikonkixtis itech semej amaixmej tein ika tiktemakaj nemachtil ika Biblia uan tikonnextilis nejon amaix keman oksepa tikonkalpanos.

• Keman tiontamitajtos iuan aksa akin kinextij ke kineki kimatis okachi, xikonilui ke tikonuelitaskia tikonsentokas iuan tiontajtos okse tonal uan xikonchiuili netajtanil tein tikonnankilis keman oksepa tionmokepas. Komo ueli, xikontajtani tein mitsonpaleuis oksepa iuan xiontajto.

• Komo tikonixtalij hora keman tikonkalpanos, ijkon xikonchiua (Mt 5:37).