Maj okachi kuali titanojnotsakan: Oksepa xiontakalpano

KEYEJ MOTELNEKI. Miakej akin kinyolnotsa kimatiskej toni iTekiuajyo Dios, kitemojtokej kiixmatiskej Dios (Isa 55:6). Moneki miakpa tikinkalpanoskej, ijkon kiixmattiyaskej Dios. Taltikpakneminij kiixnamikij tataman kuejmolmej, yejua ika no moneki tikpataskej tein ika tiktemouaj maj kinyolnotsa tein Biblia tamachtia. Sayoj ke, okachi uelis tikinpaleuiskej komo achto kuali timomachtiaj uan senkis tikmatij tein tiknekij tikinmachtiskej keman tikinkalpanoskej, nejon techpaleuis maj tikpeualtikan se nemachtil ika Biblia.

KENIUJ TIKCHIUASKEJ:

• Xionmochikaua niman tionmokepas, xa seki tonalmej satepan (Mt 13:19).

• Xionkualtakat uan xiontapoujkaita. Amo xionyolijsiui.

• Yekinika xikontajpalo ika poujkaitalis. Xikonnotsa ika itokay. Xikonilui keyej oksepa tikonkalpanoua: porin tikonnankiliti se netajtanil, tikonuikilia amaix tein yankuixtok kisak, tikonneki tikonnojnotsas ika Internet kampa timoteixmatiltiaj, tikonneki tikonnextilis se video oso keniuj titamachtiaj ika Biblia. Komo taltikpaknenkej kineki kimatis okse taman tamachtilis, xikonpata tein tikonnemiliaya tikoniluis (Flp 2:4).

• Xikonpaleui maj kisentoka kiyolnotsa tamachtilis ika se texto oso ika se amaix (1Co 3:6). Xikontemo kuali tionmouikas iuan taltikpaknenkej.

• Xikonijto tein tapaleuis oksepa xikonkalpano taltikpaknenkej.