Maj tiksentokakan tikintemakakan amaixmej

Itech xiuit 2018 uan hasta axkan, itech toamaixuan peuak mokixtia sayoj se tamachtilis itech sejse tapoual, uan ueli ika titanojnotsaj porin moajsij itech nepaleuilmej tein ika titamachtiaj. No uelis tikinuikaskej nejin amaixmej keman titakouatij uan keman tiyouij kansaika. Nejin amaixmej amo ika titamachtiaj, sayoj ke uelis kinpaleuis taltikpakneminij maj kinekikan okachi kiixmatiskej Dios.

Keman tikonnojnotsas aksa, xikonixtajtoltili se texto itech Biblia uan ika xikonnojnotsa se tamachtilis tein moajsi itech amaix tein xa kiuelitas. Komo akin tikonnojnotsa kinpia ichankauan, tayokoxtok oso motekipachojtok, uelis tikoniluis: “Yankuixtok nikitak se tamachtilis tein kualtsin uan ika tajtoua nejin... ¿uelis nimitsonnextilis?”. Komo taltikpaknenkej kinextia ke kineki kimatis okachi, uelis tikonmakas se amaix oso tikontitanilis itech tepos, uan uelis tikonchiuas nejin maski yekinika tikonnojnotsa. Amo sayoj tiknekij tiktemakaskej amaixmej, sayoj ke uelis techpaleuis maj tikinajsikan akin kinekij kitakamatiskej Dios (Hch 13:48, TNM).

2018

2019

2020