Maj titeajsikamatikan

Tikinajsikamatiskej oksekin kijtosneki tikajsikamatiskej tein kinemiliaj, tein kimachiliaj, tein kipatiuitaj uan tein kinpoloua. Niman tiknextiaj ke titeajsikamatij keman yekmelauj tiknekij tikinpaleuiskej oksekin. Komo itech tanojnotsalis tiknextiaj ke tikinajsikamatij akin tikinajsij tiknextijtoskej netasojtalis tein Jiova kinpialia taltikpakneminij, uan nejon kichiuas maj kinekikan kiixmatiskej (Flp 2:4).

Tiknextiaj ke tikinajsikamatij taltikpakneminij amo sayoj keman tikinmachtiaj, ta no keman kuali tikinkakij, keman kuali tiknemiliaj tein tikijtouaj, ika tein tikchiuaj uan tein tiknextiaj ika toixko. No tiknextiaj ke tikinajsikamatij keman ininka timotekipachouaj, keman tikelnamikij tein kiuelitaj, tein kineltokaj, tein kinpanoua uan keman tikinyolmajxitiaj tein uelis kinpaleuis, sayoj ke amo tikinchikaujkauiaj maj kichiuakan. Keman akin tikinnojnotsaj techkakij, okachi tiyolpakij itech tanojnotsalis.

SATEPAN KE TIKONITAS VIDEO TIYOLPAKIJ KEMAN TIKINCHIUAJ IMOMACHTIJKAUAN JESÚS. MAJ OKACHI KUALI TITAMACHTIKAN: MAJ TITEAJSIKAMATIKAN, XIKONNANKILI NEJIN NETAJTANILMEJ:

• 

  ¿Keniuj kinextij Rita ke kiajsikamatia Coral keman amo niman ajsik?

• 

  ¿Keniuj kinextij Rita ke kiajsikamatia Coral keman kijtoj ke amo momachtiskia porin amo kuali momachiliaya?

• 

  ¿Keniuj kinextij Rita ke kiajsikamatia Coral keman kijtoj ke amo momattoya kiixtalis kichiuas tein okachi moneki?