Ouijkayomej nochipa tamij

Ouijkayomej kichiuaj maj timotayokoltikan, okachiok komo semi uejkauaj. David kimatia ke amo nochipaya kipiaskia kuejmol iuan Saúl uan ke yejua mochiuaskia tekiuaj ijkon kemej Jiova kiluijka (1Sa 16:13). Kemej David semi takuaujtamatia iuan Jiova, amo yolijsiuik uan mochiak maj yejuatsin kipaleuiani.

Keman tikpiaj ouijkayomej uelis tiknextiskej kuali taixejekolis uan taixmatilis, uan tiknemiliskej keniuj uelis tikyektaliskej ouijkayot tein tikpanotokej (1Sa 21:12-14; Pr 1:4). Sayoj ke, maski xa tikchiujkejya nochi tein tiueliaj uan amo tiktapanauilijkej itanauatiluan Dios, seki kuejmolmej xa tiksentokaskej tikpiaskej. Ijkuak amo moneki tiyolijsiuiskej uan moneki tikchiaskej maj Jiova techpaleui. Amo uejkaua, yejuatsin kiixpolos nochi tein techtajyouiltia uan “kinelkaualtis de ninchokilisuan de nochi itaneltokakauan” (Ap 21:4). Jiova xa kichiuas maj amo tikpiakanok ouijkayomej tein tikpanotokej oso uelis panos okseki taman tein techajchiuilis. Sayoj ke uelis titakuaujtamatiskej ke ouijkayomej nochipa tamij. Tikmatiskej nejon techyolseuia.

SATEPAN KE TIKONITAS VIDEO ITEKITIKAUAN DIOS KUALI MOUIKAJ MASKI TALTIKPAKNEMINIJ XEXELIUJTOKEJ, XIKONNANKILI NEJIN NETAJTANILMEJ:

• ¿Toni ouijkayomej kipanokej miakej itaixpantijkauan Jiova akin nemiaj kampa ika sur ompa Estados Unidos?

• ¿Keniuj kinextijkej ke amo yolijsiuiaj uan ke motasojtayaj?

• ¿Toni kiitayaj tokniuan ke okachi tayekantoya? (Flp 1:10).