TAMACHTILIS TEIN KIPIA BIBLIA

Kuali xikonixpejpena akoni iuan tionmonamiktis

Salomón kinextij ke amo tamatkej katka keman monamiktij iniuan siuamej akin kinueyichiuayaj tiotsitsin (1Re 11:1, 2; w18.07 18 § 7).

Isiuauan Salomón yolik kichiujkej maj kinueyichiua tiotsitsin (1Re 11:3-6; w19.01 15 § 6).

Jehová semi kualanik iuan Salomón (1Re 11:9, 10; w18.07 18 § 9).

Taixkopimej kampa nesi se tokniuj siuat akin iseltiok momachtijtok Biblia uan itech tanemilijtok se tokniuj takat akin no iseltiok. 1. Tokniuj takat tanankilia itech nechikol. 2. Tokniuj tanojnotsa ika carrito. 3. Tokniuj tapaleuia maj moyektali Kali kampa tiMosentiliaj.

Biblia tayolmajxitia ke akin kichiuaj kemej Cristo moneki monamiktiskej iuan akin “no kitojtoka toTekotsin” (1Co 7:39). Sayoj ke, maski aksa moauijya amo kijtosneki ke yeski se kuali tetakauj oso tesiuatsin. Xionmotajtani: “¿Nechpaleuis maj niktekitili Jehová ika nochi noyolo? ¿Kinextianiya ke yekmelauj kitasojta Jehová?”. Achto ke tikonixtalis tionmonamiktis moneki kuali tikonixmatis monovio oso monovia.