TONEMILIS KEMEJ ITATOJTOKAKAUAN CRISTO
Xikontemo tikonmatis toni kinemilia Jehová
Kemej tiknekij maj Jehová kiyolpakti tein tikchiuaj, moneki tikitaskej maj tein tikixpejpenaj mouika ika tein yejuatsin kinemilia, hasta keman amo moajsis se tanauatil tein senkis kijtos toni moneki tikchiuaskej (Pr 27:11). ¿Keniuj uelis tikchiuaskej nejin?
Maj timomachtikan Biblia mojmostaj. Keman tikixtajtoltiaj Biblia, kemej yeskia tietoskiaj iuan Jehová. Keman tikitaj tein kichiuak iuan ixolal uan keman itech titanemiliaj akin ininka motajtoua itech Biblia akin kichiujkej tein kuali uan tein amo kuali, ueli tikmatij keniuj tanemilia Jehová. Komo tikchiuaj nejin, ichikaualis Dios techpaleuis maj tikelnamikikan tein timomachtijkejya uan tein tayolmajxitia Biblia keman tikixpejpenaskej teisa (Jn 14:26).
Maj tiktemokan okachi tamachtilis. Achto ke tikonixpejpenas teisa, xionmotajtani: “¿Toni tein ika tajtoua Biblia oso katiyejua textos uelis nechpaleuiskej maj nikmati toni kinemilia Jehová?”. Xikontajtani Jehová maj mitsonpaleui uan xikonita tamachtilismej tein moajsij itech motajtol tein mitsonpaleuis xikonmati toni tayolmajxitia Biblia uan keniuj uelis tikonchiuas (Sl 25:4).
SATEPAN KE TIKONITAS VIDEO MONEKI TIMOTALOSKEJ IKA TAXIKOLIS: MAJ TIKMAJSEUAKAN TEIN TECHIKAUA, XIKONNANKILI NEJIN NETAJTANILMEJ:
¿Toni kipanotoya ichpoch akin nesi itech video?
¿Keniuj tejuan no uelis tikixnamikiskej seki taman komo okachi timomachtiaj?
¿Keniuj semi techpaleuia komo tikxelouaj tiempo okachi timomachtiskej achto ke tikixpejpenaskej teisa? (Heb 5:13, 14).